INAUGURAL CEREMONY SANG MGA OPISYAL SANG NEG OCC ‘ALL SYSTEMS GO’ NA

Share on facebook
Share on google
Share on pinterest
Share on twitter
Share on print

“All systems go” na ang oathtaking kag inaugural ceremony sang Negros Occidental provincial government officials sa Sabado Hunyo 25, 2022 sa Provincial Capitol Park and Lagoon syudad sang Bacolod.

Suno kay Governor Bong Lacson, magasugod ang programa paagi sa isa ka misa alas 3 sang hapon. Ini ang pagasundan sang pagpanumpa kag inagurasyon sang mga opisyal sang gobyerno probinsiyal nga nagdaug nakaligad nga eleksyon.

Si Lacson ang magasumpa kay San Carlos City Regiona Trial Court (RTC) Branch 58 Presiding Judge Amy Alabano-Avellano. Suno kay Lacson, magahatag man siya sang inaugural address agud mapresentar ang iya mga nahimuan kag pagahimuon pa sa masunod nga tatlo ka tuig.

Liwat nga ginklaro sang gobernador nga wala siya sang gin-imbetar nga mga national personalities magluwas lamang sa mga local officials kag guests halin sa Negros Occidental. Ini na ang ikaduha nga termino ni Lacson bilang gobernador. | Aksyon Marlon Genovea

What’s your Reaction?
+1
0
+1
0
+1
0
+1
0
+1
0
+1
0
+1
0

PINAKAUNA NGA EXECUTIVE ORDER NI BENITEZ AMO ANG PAGTUKOD SANG TRUTH COMMISSION – INCOMING CITY ADMINISTRATOR

Ginpahayag ni incoming City Administrator Atty. Pacifico “Boyet” Maghari III, nga ang truth commission ang pagabug-usan sang tatlo ka mga miembro.

Ginpahayag ni Maghari, nga natalana mag papanaug si Mayor-elect Albee Benitez sang pinakauna sini nga Executive Order nga nagatukod sang amo nga komisyon nga posible magwa sa Hulyo 1.

Ginkumpirmar ni Maghari nga ang komisyon ang pamunuan ni incoming City Legal Officer Romeo Carlos Ting Jr., siya bilang City Administrator kag isa pa ka wala mahingadlan.

Suno kay Maghari, maga kuha man sila sang consultants kag resource persons nga magagiya sa Truth Commission kag para mapatuman ang mga function sini base sa mando sang Alkalde.

Ginklaro ni retired state auditor Marilou Reyes, nga indi pa siya miembro sang Truth Commission bangud ini ang pagabug-usan sang organic nga miembro sang City Hall.

Sa nahibaluan, tinutuyo sang Truth Commission nga mausisa ang mga transaksyon sang outgoing administration kag para indi masulit ang mga sala kag para sa matinlo nga panggobyerno.

What’s your Reaction?
+1
0
+1
0
+1
0
+1
0
+1
0
+1
0
+1
0

MENOR DE EDAD PATAY SANG MAKURYENTE SA BAGO CITY

Patay ang 17 anyos nga menor de edad matapos makuryente samtang ginahimo ang iya trabaho bilang pahinante sang trailer truck.

Sa interview sa Aksyon Hotline, ginpahayag ni Senior Master Sgt. Job Ogaris, Chief Investigator sang Bago City Police Station, las 5:45 sang hapon kahapon, Lunes, Hunyo 27 sang nakabaton sila sang report nga may nakuryente sa Purok Michelle, Brgy. Dulao Bago City.

Ang biktima ginkilala kay John Lloyd Buenaflor.

Sa inisyal nga imbestigasyon sang kapulisan, si Buenaflor ang naga-assist sa backhoe nga ginamaneho ni Reynan Martinez sang natabo ang insidente.

Suno kay Ogaris, naga-assist si Buenaflor sa kay Martinez agud ikarga ang backhoe sa trailer truck, lipod sa ihibalo ni Martinez, nalambot sini ang main line sang CENECO sa diin ginapatihan naglatay ang kuryente padulong sa trailer truck bagay nga gintunaan sang pagka-kuryente sang menor de edad.

Ginhingagaw pa ini nga madala sa hospital apang las 7 lunes sang gab i, ini siya ang gindeklarar nga nagtaliwan na.

Ang pamilya sang menor de edad ang nakahibalo na angot sa insidente. | Aksyon Dorel Cabatu via Aksyon Hotline

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.