ISA NADAKPAN, ISA NAKAPALAGYO MATAPOS NANGAWAT SANG MOTORSIKLO SA SYUDAD SANG VICTORIAS

Share on facebook
Share on pinterest
Share on twitter
Share on print

Arestado ang isa ka lalaki samtang nakapalagyo naman ang upod sini matapos magrespondi ang kapulisan sa tawag sang isa ka concerned citizen nga may ginkawat nga motorsiklo sa dalan Gonzaga, Barangay 1 syudad sang Victorias pasado la 1 kaina sang kaagahon, Disyembre 5.

Ang nadakpan ginkilala kay John Carlo Laura, 19 anyos samtang nakapalagyo naman ang isa pa ka suspek nga ginkilala kay Joemarie Espirida Jr., legal ang edad kag residente sang Barangay 14 sa amo man nga syudad.

Sanday Laura kag Espirida ang ginatudlo nga nagkawat sa isa ka unit sang Honda XRM nga motorsiklo nga nagapundo sa gwa sang balay sang tag-iya nga ginkilala kay Jennibeth Diyo, 28 anyos.

Naaktuhan sang nagrespondi nga kapulisan sanday Laura kag Espirida nga ginasakyan ang kinawatan nga motorsiklo kag gilayon nga gindakop si Laura apang nakapalagyo naman si Espirida.

Priso karun si Laura sa custodial facility sang Victorias apang ang duha gid ka mga suspetsado ang magapangatubang sang kaso. | Aksyon Zil Menardo

What’s your Reaction?
+1
0
+1
0
+1
0
+1
1
+1
0
+1
0
+1
0

PERTUSSIS CASES SA BACOLOD NAGSAKA SA ANUM

Nadugangan pa sang tatlo ka kumpirmado nga kaso sang pertussis ang syudad sang Bacolod.

Bangud sini nagsaka sa anum ang kabug-usan nga kaso sang pertussis sa syudad halin Enero 1 tubtob Abril 6, 2024 nga datus sang Bacolod City Health Office.

Sa report sang Bacolod CHO, nakagwa na sa hospital ang anum ka mga pasyente nga naga edad isa ka tuig panubo.

Duha ka kaso ang na record sa Barangay Tangub samtang tig isa naman sa Barangay Granada, Handumanan, Taculing, kag Villamonte.

May lima naman ka samples ang nag negatibo sa masakit samtang may duha pa ka samples nga pending pa ang resulta sa RITM.

What’s your Reaction?
+1
0
+1
0
+1
0
+1
0
+1
0
+1
0
+1
0

ALBEE: BACIWA-PRIMEWATER INDI MABATYAGAN ANG BULIG SA WATER RATIONING SA MGA BARANGAY

Ginpakamalaot ni Bacolod Mayor Albee Benitez ang Baciwa-Primewater nga wala nagabulig sa water rationing nga ginahimo sang syudad sa mga Barangay.

Sa press conference, Lunes, ginpahayag ni Benitez, ang paghatag sang tubig karon sa mga Barangay nga wala sang suplay ang ginahimo pa sang pribado nga sektor kaangay sang Chamber kag Amity, nga indi man nila trabaho.

Suno sa Alkalde, indi karon makit-an ang bulig kag suporta sang Baciwa Primewater karon nga may yara sang krisis sa tubig sa syudad.

Sa sini nga water rationing, nagabulig man ang Manila Water, Red Cross kag opisina ni Councilor Cindy Rojas. | Albee Benitez Photo/FB

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.