ISA PATAY, DUHA PILASON SA MULTIPLE COLLISION SA CADIZ

Share on facebook
Share on pinterest
Share on twitter
Share on print

Isa patay, duha pilason sang nagkarambola ang lima ka salakyan sa Crossing Bag ong dalan, Barangay Cabahug, syudad sang Cadiz las 3:58 sang hapon, Mierkoles.


Ang napatay ginkilala sa kay Arlo Galleron, 31 anyos kag pilason naman sanday Roger Decanay, 30 anyos kag Joseph Coniendo, 53 anyos.

Imbolbado sa aksidente ang Ten wheeler truck nga ginadala ni Arturo Pateño, 42 anyos; Dump truck nga ginadala ni Coniendo; motorsiklo nga ginadala ni Decanay; isa pa ka motorsiklo nga ginadala ni Galleron kag isa ka trisikol nga naka-park lamang sa kilid dalan.

Sa pagpangusisa sang Cadiz City PNP, nagasundanay ang ten wheeler truck kag Dump truck kag sang nakalab ot sa lugar, nagliko patuo ang ten wheeler rason nga na -alang alang ang nagasunod nga dump truck kag nagbunggo sa nalikod nga porsyon sang ten wheeler.

Tungod sa impact, nagbalabag ang dump truck kag naderitsuhan naman sang ten wheeler truck ang naka-park nga trisikol kag nagbunggo pa sa puno sang kahoy nga gimelina.

Pagbalabag sang dump truck, naigo sini ang naglabay nga duha ka motorsiklo sa diin, isa sa driver ang nag upod guid dasok sa idalom sang salakyan.

Sa inisyal nga imbestigasyon, gin alegar wala nag-apply sang signal nga magliko ang 10-wheeler truck rason nga natabo ang aksidente.

Sa karon, temporaryo nga ginkustodiya sang Cadiz City PNP si Coniendo nga nangin outpatient man sa Cadiz City District Hospital matapos naka agom sang minor nga pilas sa lawas.

What’s your Reaction?
+1
0
+1
1
+1
0
+1
0
+1
0
+1
0
+1
0

HOSPITAL SA SAGAY BALIK NA SA PAGBATON SANG ADMISYON SA MGA PASYENTE

Balik na ang pagbaton sang admisyon sa mga pasyente ang Alfredo E. Marañon Sr. Memorial District Hospital (AEMSMDH) sa syudad sang Sagay Negros Occidental.

Ini ang public advisory sang tagdumalahan sang hospital matapos ang temporary suspension sa patients admission umpisa nagligad nga Enero 21, bangud nalab-ot na ang 70-bed capacity. 

Ginpahanumdum man sang hospital nga ang tanan nga mga pasyente ang ipaidalom sa proper screening sa admission procedures kag referral sa iban nga mga  government hospitals.

Ini nga hospital ang isa lamang sa tatlo ka mga bululngan sa Negros Occidental nga ginadumalahan sang local government unit.

Ang duha amo ang Calatrava District Hospital kag Vicente Gustilo District Hospital sa syudad sang Escalante.

Samtang  ang 9 ka mga district hospitals ang ginadumalahan naman sang gobyerno probinsiyal. | Aksyon Marlon Genovea

What’s your Reaction?
+1
0
+1
0
+1
0
+1
0
+1
0
+1
0
+1
0

KABANKALAN PNP BLANGKO PA SA SUSPEK SA PAGPATAY SA DUHA KA LALAKI

Blangko pa Kabankalan City PNP sa identity sang suspetsado sa pagpatay sa mag-abyan nga sanday Erwin Colorado kag sa 16 anyos nga soltero matapos makapila ka beses nga ginbuno tubtub napatay Byernes nga adlaw, sa Purok Pili, Brgy 6, syudad sang Kabankalan.

Suno kay PCapt Dennis Melgarejo, deputy Chief of Police sang Kabankalan PNP nga sa inisyal nga pagpangusisa, antis natabo ang insidente, ulihi nga nakaupod sang duha ka mga biktima ang isa pa nila ka abyan nga karon ginakonsiderar nga person of interest.

Dugang pa ni Melgarejo, wala na sa barangay Biniquil ang abyan sang mga biktima matapos natabo ang pagpatay.

Ginpahayag man Melgarejo nga sa ikaduha nga tion, liwat naman napaslawan ang kapulisan matapos wala naabtan kagab-i sa banwa sang Isabela ang ila person of interest nga ginapatihan nagpalagyo pila lamang agwat antes ang pag abot sang kapulisan.

Nagapabilin nga blanko sa motibo sa pagpatay. | Aksyon Alvin Grava

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.