MENU

ISA PATAY, ISA PILASON SA AKSIDENTE SA HIMAMAYLAN

  • at 5:59 pm
Share on facebook
Share on pinterest
Share on twitter
Share on print

Isa ang patay kag isa ang pilason sa aksidente nga nagluntad sa National highway nga sakop sang Hda. Nueva, Brgy. To-oy, syudad sang Himamaylan pasado las 10 sang aga, Nobyembre 22.

Ang biktima ginkilala kay Lito Garzon, 22 anyos kag residente sang Sitio Wayang, Brgy. 3 samtang ang suspetsado naman ang ginkilala kay Evelyn Salvador, 62 anyos kag residente sang Barangay Buenavista, tanan sa syudad sang Himamaylan.

(Himamaylan PNP Photo)

Suno kay Police Corporal Mark John Dato, imbestigador sang Himamaylan PNP, padulong sa syudad sang Kabankalan ang fortuner nga ginamaneho ni Salvador sang aksidente sini nga nabungguan ang motorsiklo nga ginamaneho ni Garzon.

Madalom nga pilas sa lawas kag ulo ang naangkon ni Garzon nga gintunaan sang iya kamatayon samtang gindala naman sa Holy Mother of Mercy Hospital-Kabankalan si Salvador matapos makaangkon sang pilas sa ulo.

May angut sa amo nga kaso, may inisyal na nga pag-istoryahanay ang pamilya sang biktima kag pamilya sang suspek. | Aksyon John Diaz

What’s your Reaction?
+1
0
+1
0
+1
0
+1
0
+1
0
+1
0
+1
1

29.9M NGA DROGA GINSUNOG SANG PDEA-NOCPPO

December 6, 2023

Naglab-ot sa masobra P29,908,000 nga balor sang shabu nga nagabug-at sang masobra 4,346 gramo kag masobra P226,000 nga balor sang marijuana nagabug-at sang masobra 1,358 gramo ang ginsunog sang PDEA-NOCPPO sa Acropolis Gardens, Brgy. Bata, syudad sang Bacolod ala 1 sang hapon, Disyembre 6, 2023.

Ang mga ilegal nga droga ang nakumpiskar sang PDEA sa syudad sang Bacolod kag sa pila ka lugar sa probinsya sang Negros Occidental.

Suno kay PDEA 6 Assistant Regional Director 2 Marjorie Ballesteros, ang mga illegal drugs ang kabahin sang mga drug cases gikan sa nagkalain-lain nga mga korte sa Bacolod kag Negros Occidental sa nakaligad nga mga tinuig kag ginmandu sang korte ang disposal .

Ginklaro ni Ballesteros nga antes pa sunogon ang mga droga nadesisyonan na ang mga kaso sang nagkaladakpan sa korte.

Dugang pa, isa sa tinutuyo sa pagsunog agud malikawan ang mga alegasyon nga gina-recycle sang otoridad ang ilegal nga droga.

What’s your Reaction?
+1
0
+1
0
+1
0
+1
0
+1
0
+1
0
+1
0

GINAPATIHAN NPA PATAY SA ENKWENTRO SA BINALBAGAN

December 6, 2023

Patay ang isa ka myembro sang New People’s Army matapos ang 5 ka minuto nga engkwentro nga nagluntad sa tunga sang 62nd Infantry Battalion las 5:35 sg aga, Disyembre 6 sa Sitio Caranawan, Barangay Amontay banwa sang Binalbagan.

Suno kay 303rd Brigade Commander BGen Orlando Edralin, wala pa nakilala ang lalaki nga napatay sa engkwentro nga isa sa lima ka persona nga ginapatihan myembro sang Central Negros 1 Komiteng Rehiyon- Negros, Cebu, Bohol kag Siquijor.

Dugang pa ni Edralin, nagpadulong sa lugar ang mga militar bangud sa report nga ila nabaton gikan sa mga pumuluyo nga nagapangilkil ang nasambit nga grupo.

Narecover sang militar ang isa ka rifle kag isa ka caliber 45 nga armas luthang, mga personal nga kagamitan kag pila ka subersibo nga dokumento.

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.