ISA PATAY, ISA PILASON SANG MAKABUNGGO ANG MOTORSIKLO SA MULTICAB

Share on facebook
Share on pinterest
Share on twitter
Share on print

Patay ang driver samtang pilason naman ang angkas matapos makabunggo ang ginasakyan nila nga motorsiklo sa isa ka Suzuki Multicab sa Damian-Vera St. Brgy. Punta Taytay syudad sang Bacolod kaina sang kaagahon, Desyembre 4.

Patay on the spot si Chelwin Duay nga driver sang Honda Beat nagapuyo sa Barangay Bata syudad sang Bacolod.

Samtang pilason naman ang angkas nga si Rusty Endrada nga pumuloyo sa banwa sang Isabela kag padayon ginabulong sa Corazon Locsin Montelibano Memorial Regional Hospital.

Yara naman sa custodial facility sang Police Station 9 ang driver sang Suzuki Multicab nga si Jexter John Alfonso pumuloyo sang Purok Sto. Niño Barangay Sum-ag syudad sang Bacolod.

Suno kay Police Capt. Michae Tuburan, hepe sang Police Station 9, gin-agaw ni Duay ang dalan ni Alfonso rason nga iya nabunggoan ang multi-cab.

Si Duay kag Endrada lunsay mga Merchandiser nga naghalin sa isa christmas party sa isa ka beach resort sa Punta Taytay sang matabo ang aksidente.

What’s your Reaction?
+1
0
+1
2
+1
0
+1
6
+1
1
+1
1
+1
0

BATA NGA NAGPANAGO SA IDALUM SANG PICK-UP AKSIDENTE NGA NALAPAKAN, PATAY

Patay ang 4 ka tuig nga bata nga lalaki matapos nalapakan sang goma sang salakyan sa atubang sang KMart, sa dalan Galo, barangay 22, syudad sang Bacolod, alas 7:20 kagab-i, Sabado, (Feb. 24).

Sa inisyal nga pagpangusisa ni Capt. Francis Depasucat, hepe sang BCPO Police Station 4, ang menor de edad residente sang Galo, Barangay 22.

Ang suspek nga driver sang Navara pick-up ang isa ka babayi nagapang-edaron sang 35 anyos.

Dugang pa ni Depasucat, ginaalegar nagahampang ang biktima upod sa pila pa ka menor de edad kag nagpanago sa idalum sang pick-up sang aksidente nga naisulan kag nalapakan sang pangulihi nga goma ang lawas sini.

Ginhingagaw pa kon tani dala ang biktima sa Corazon Locsin Montelibano Memorial Hospital apang napatay samtang ginabulong.

Ginpahayag man ni Depasucat nga nag-istoryahanay na ang pamilya sang biktima kag ang suspek kag ginsabat man sini ang mga gasto asta sa pagpalubong.

Hungod nga wala ginhingadlan ni Depasucat ang ngalan sang suspek basi sa pangabay sang pamilya.

What’s your Reaction?
+1
0
+1
0
+1
0
+1
0
+1
0
+1
0
+1
0

GINALEGAR DRUG PERSONALITY GINTIRO, PILASON

Ginabulong sa San Carlos City Hospital ang isa drug personality matapos ginluthang sa Zone 5, Brgy. 5, syudad sang San Carlos, alas 3:20 sang hapon Sabado, (Feb. 24).

Ang biktima ginkilala kay Regie Villana kag residente sang sang amo nga lugar samtang ang suspek ginkilala naman kay Lionio Pastrana 25 anyos kag residente sang Sitio Agtotonoy, Brgy. Prosperidad.

Sa inisyal nga pagpangusisa ni PMaj. Ryan Villasario, deputy chief of police sang San Carlos City PNP, samtang nagapauli l si Villana sa iya puloy-an, sa ginbantayan kag hungod nga ginluthang ni Pastrana gamit ang cal. 45 pistol.

Gilayon nga gindala sa ospital si Villana matapos nakaangkon samg pilas sa tiyan kag kamot.

Sa sa bulig sang CCTV, nakilala kag nadakpan ang suspek nga karon nahunong na sa custodial facility sang San Carlos City PNP.

Narekober sang mga otoridad ang isa ka unit sang .45 cal pistol nga may (7) pito ka mga bala.
Away sa ilegal nga druga ang ginalantaw nga motibo sa pagluthang.

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.