ISA PATAY, PITO PILASON SA AKSIDENTE SA BAGO CITY

Share on facebook
Share on pinterest
Share on twitter
Share on print

Patay ang isa ka persona samtang pilason ang pito ka iban pa matapos ang aksidente sa Barangay Calumanggan, syudad sg Bago las 6:20 sang gab-i. Myerkules.

Ang napatay ginkilala kay Phil Mark Francisco, legal ang edad kag taga syudad sg Muntinlupa samtang ang mga pilason amo sanday Charlie Estampa, 39 anyos, taga Valladolid, Raxel Bergante, 39 anyos, taga syudad sg Bacolod; Precious Grace Saliba, 33, Jona Malana, kag duha ka menor de edad tanan residente sg Barangay Pta.taytay syudad sg Bacolod.

Suno kay Staff Sgt Ronald Javier, investigator on case, si Francisco nga napatay ang gikan sa sur padulong norte nga direksyon samtang si Cargie Saliba, 35 nga driver sg pick-up ang gikan norte padulong sur nga direksyon.

Dugang pa nag u-turn si Saliba rason nga nakabunggo si Francisco nga amo ang gintunaan sang iya kamatayon.

Bangud sa pag bunggo na warik ni Francisco ang manebela sang iya motorsiklo pa wala rason nga nagbunggo kag natumba ang naga angkasanay nga sanday Estampa kag Bergante nga nagabyahe man gikan norte padulong sur nga direksyon.

Suno kay Javier, tungod sa aksidente, maresponde tani ang ambulansya sang Bago CDRRMO nga ginamaneho ni Ranel Dumalaog apang nagbunggo sa truck nga may karga nga tubo nga ginamaneho ni Rolly Luang, 47 taga banwa sg Manapla.

Samtang ang mga upod ni Dumalaog amo sanday Marriam Rydings, 34, Carl Jorany Lirazan, 32 kag Remar Janias, 29 tanan empleyado sang Bago LGU nga gindala man sa hospital.

Priso karon sa custodial facility sg Bago PNP sanday Saliba nga driver sg pick-up kag si Luang nga nagamaneho sang truck. | Aksyon Eden Aboso

What’s your Reaction?
+1
0
+1
0
+1
0
+1
0
+1
0
+1
0
+1
0

PAGTUKOD SANG ISTRAKTURA SA DANGER AREAS SA SINGCANG-AIRPORT, GINADILIAN

Ginadilian na ang pagtukod sang balay ukon istraktura sa Barangay Singcang-Airport sa mga ginakabig danger areas, public land ukon private land nga wala sang pahanugut sa gobyerno.

Ini ang base sa Barangay Ordinance nga gin aprubahan sang Singcang-Airport council.

Base sa facebook post ni kapitan Atty. Caesar Distrito, cover sang ordinansa ang mga danger areas kaangay sang baybay, kilid sang suba, kilid ukon sa babaw sang mga kanal, drainage, creek, estero, dalan, pathway, footwalk, ukon ano man nga public land ukon private land nga wala sang permiso sang barangay.

Ginpaathag ni Distrito, kinahanglan una nga magpangayo sang clearance halin sa Barangay antes magpakay-o ukon magpatindog sang istraktura.

Suno sa Kapitan, ang mga nasambit nga balay ukon istraktura amo ang nagabalabag nga ginatunaan sang pagbaha kag nagabutang sa peligro sang tawo.

Ginatugyan ni Distrito sa mga opisyales sang purok ang pagbantay kag mag report kon may illegal structure sa ila nga lugar.

Magapapanaug ang Barangay sang notice to stop kag pagkakas sang illegal structure kon may bayolasyon, kag kon indi makakas sa sulod sang 24 oras, ang Barangay na ang maguba sang istraktura.

What’s your Reaction?
+1
0
+1
0
+1
0
+1
0
+1
0
+1
0
+1
0

KAPIN 1M NGA BULIG PINANSYAL GINHATAG SANG DSWD SA NA APEKTUHAN SA EKWENTRO SA ESCALANTE KAG TOBOSO

Kapin P1 million pesos nga bulig pinansiyal ang ginhatag sang Department of Social Welfare and Development (DSWD) Field Office VI – Disaster Response Management Division sa mga Internally Displaced Individuals nga naapektohan sang armed conflict sa boundary sang Escalante kag Toboso, Negros Occidental.

Suno kay DSWD Region 6 Director Atty. Carmelo N. Nochete, nabalaka ang ila departamento sa trauma nga gintuga sang sunod-sunod nga lupok , sa mga pamilya ilabi na sa mga kabataan. Basi sa report sang Local Social Welfare Office sang Escalante kag Toboso, 268 ka mga pamilya nga may 1,092 ka mga individual ang apektado.

240 ka mga pamilya nga may 980 ka mga indibidwal ang nagtener sa mga evacuation centers.

Gin-usisa man sang DSWD personnel ang mga evacuees agud mahibaluan ang ila mga isyu kag concerns sa sulod sang evacuation center.

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.