ISA PATAY SA AKSIDENTE SA SAN ENRIQUE

Share on facebook
Share on google
Share on pinterest
Share on twitter
Share on print

Wala nakaluwas sa kamatayon ang manugmasa sang tinapay sang makabungo ang ginmaneho nga tricycle sa truck sa National Highway, Rizal Street, Barangay Poblacion Banwa sang San Enrique.

Ang napatay ginkilala kay Vincent Canete, 26 anyos, samtang ang pilason nga asawa sini si Jojean Pura tanan nagapuyo sa Barangay Tabao Rizal, sang ginkilala naman ang driver sang truck nga si Arturo Bayona nga nagapuyo naman sa Barangay Zone 15, Syudad sang Talisay.

Suno kay PLt. Sammy Gasataya, Deputy of Police sang San Enrique PNP, samtang nagamaniho sang tricycle si Canete, naglikaw ini sa hinali nga pagtabok sang ido kag nagpadulong sa pihak nga linya sang dalan sa diin nasugata gid sini ang truck.

Patay sa hospital si Canete, samtang pilason naman ang asawa sin nga karun padayon ginabulong sa hospital.

Ginkustodiya sang otoridad ang driver sang truck samtang ginapa-abot pa ang desisyon sang pamilya sang biktima.

Gintun-an man kun mangatubang sang kaso ang tag-iya sang ido ukon makahatag malang sang pinansyal nga bulig sa mga biktima. | Aksyon Bryan Morden

LACSON KAG IBAN PA NAGHATAG SANG PASADO NGA GRADO KAY DUTERTE

Ginhatagan sang pasado  nga grado ni Negros Occidental Governor Bong Lacson, anay Cong. Albee Benitez  kag Cadiz City Mayor Salvador Escalante Jr.,  ang performance ni  Rodrigo Duterte sa sulod sang pila  ka tuig  nga  pagpungko bilang presidente.

Sa interview sang Provincial Capitol media ,  sila ang pareho  nga naghatag   sang  7 tubtub 8 nga grado sa presidente ,  sa scale  nga 1-10.

Suno kay Lacson, ginhimo  sang presidente ang tanan agud  indi maglala ang epekto sang COVID-19 pandemic  sa ekonomiya sang pungsod.

Suno  naman kay Escalante  bisan pa nga may pandemya ginhatagan sa gihapon sang gobyerno nasyonal sang 13th month Internal Revenue Allotment (IRA),  mga proyekto halin sa gobyerno nasyoinal,  pati na sang libre  nga bakuna kontra COVID-19  ang mga local government units.

Para kay Benitez,   makabig  nga landmark achievements ni Duterte ang universal health care program, kag libre  nga tuition sa tertiary education. | Aksyon Marlon Genovea

BACOLOD LIWAT IPATUMAN ANG NO-WALK IN POLICY SA VACCINATION SITES SA TATLO KA MALL

(SM City Bacolod, July 26, 2021)

Liwat nga ipatuman sang Bacolod Emergency Operations Center ang no walk-in policy sa mga vaccination area sa tatlo ka mall sa syudad sang Bacolod umpisa bwas nga adlaw, Hulyo 27.

Ini kasunod sang pagdamo sang tawo sa pagpadulong sa SM Bacolod, Ayala Mall kag Robinsons kag wala na natuman ang social distancing.

Las 12 sang udto sang subong nga Lunes nga adlaw, na lab-ot na sang syudad ang maximum nga numero sang mga vaccinees sa tatlo ka mall.

Suno kay City Administrator Em Ang, sumugod Hulyo 27, istrikto nga ipatuman ang ini nga sistema kag kon wala sang appointment ukon schedule, indi sila pag akomodahon sa pagpabakuna.

Ginpahayag ni Ang, nga Lunes sang aga madamo na sang nagapila sa mga entrance sang SM Bacolod kag wala nagakooperar ang publiko kag ini ang posible mangin breeding ground sang virus.

Suno sa City Administrator, ang pagdamo sang tawo ang bangud sa backlog nga isa ka semana para sa second dose sang Sinovac vaccine.

Tinalikdan nga semana sang gin patuman sang Bacolod ang walk-in sa mga vaccination area sa mall.

MORE STORIES:

LIKE US ON FB

error: Ooops... You are not authorized to copy this content.