MENU

ISA PATAY SA PAGBUNGGO SANG MOTORSIKLO SA TRUCK

  • at 7:17 pm
Share on facebook
Share on pinterest
Share on twitter
Share on print

Ginbawian sang kabuhi ang driver sang motorsiklo samtang pilason angkas sini sa aksidente nga nagluntad sa Sitio Bunacan, Barangay Salamanca, Banwa sang Toboso Domingo sang hapon.

Ang napatay ginkilala kay Rey Cansancio, 34 anyos nagapuyo sa Siito Bankerohan, ang pilason ginkilala kay Jimmy Mahilum, 61 anyos nagapuyo sa Sitio Tiguib, samtang ang suspetsado ginkilala naman kay Vincente Elmer Tiin, 53 anyos nagapuyo sa Crossing Salamanca sa amo nga Barangay.

Suno kay PCapt Paul Kenneth Magan, naglapaw sa kurbada nga bahin sang dalan ang ginamaniho nga motorsiklo sang napatay kag nasugata ang nagapadulong nga truck.

Dugang ni Magan, gin tinguhaan pa sang driver sang truck likawan ang motorsiklo, apang nalab-ot ini kag agkalatumba, rasun sa kamatayon ni Cansancio kag ginabulong sa hospital si Mahilum.

Yara naman sa kostudiya sang kapulisan si Tiin. | Aksyon Bryan Morden

What’s your Reaction?
+1
0
+1
0
+1
0
+1
0
+1
0
+1
0
+1
0

TRICYCLE DRIVER, PATAY SANG GINTIRO SA BARANGAY CABUG

April 25, 2024

Dead on arrival sa Corazon Locsin Montelibano Memorial Regional Hospital ang isa ka tricycle driver matapos ginluthang sa sulod sang Deca Homes Subdivision, Barangay Cabug, syudad sang Bacolod, alas 4:11 sang hapon, Hwebes, Abril 25.

Ang biktima ginkilala kay Teresito Gepelga, 56 anyos residente sang Block 67, Deca Homes, Brgy. Cabug.

Sa inisyal nga pagpangusisa ni Police Captain Michael Tuburan, hepe sang police station 9, nagaparking si Gepelga sa kilid sang dalan sang ginpalapitan sang wala makilala nga suspek kag ginluthang gamit ang wala mahibaluan nga kalibre sang armas.

Dugang pa ni Tuburan, ginhingagaw pa kon tani dala ang biktima sa ospital ang gindeklarar nga dead on arrival matapos nakaangkon sang malubha nga pilas sa ulo.

Sa karon nagapangita pa ang kapulisan sang dugang nga CCTV samtang indi pa ma-establisar ang motibo sa pagpatay kag pagkilala sa suspek.

What’s your Reaction?
+1
0
+1
0
+1
0
+1
1
+1
0
+1
0
+1
0

HINLO: MGA NAG RESIGN NGA MIEMBRO SANG PDP-LABAN MAY IHIBALO SA PLANO SA 2025

April 25, 2024

Ginlaragway ni Partido Demokratiko Pilipino – Lakas ng Bayan (PDP-Laban) deputy secretary general for Visayas, Atty. Jesus “Jayvee” Hinlo nga wala sa lugar ang ginhimo nga pagresign sang pulo (10) ka mga opisyal sang syudad sang Victorias, sa PDP-Laban Negros Occidental.

Ginklaro ni Hinlo nga may ihibalo ang mga aktibo nga miyembro sang ila partido sa plano nga pagpahamtang kay anay Victorias City Mayor Francis Frederick “Wantan” Palanca bilang kandidato sa pagka-gobernador sa Negros Occidental sa 2025 nga eleksyon sa idalom sang PDP-Laban.

Gin-ako ni Hinlo nga nakibot siya sa ginhimo nga pagresign ni Victorias City Vice Mayor Abelardo Bantug III kag siyam (9) ka mga konsehal sang syudad.

Nagapati si Hinlo nga suportahan sang taga syudad sang Victorias si Palanca, kun madayon ang pagkandidato sini bilang gobernador.

Si Hinlo ang gin-appoint bilang opisyal sang PDP-Laban sa Visayas nagligad nga Disyembre 2023, samtang si Palanca amo naman ang bise presidente sang partido sa Negros Occidental.

What’s your Reaction?
+1
0
+1
0
+1
0
+1
0
+1
0
+1
1
+1
0

MORE STORIES:

LIKE US ON FACEBOOK

error: Ooops... You are not authorized to copy this content.