ISA PATAY SA PAGBUNGGUANAY SANG DUHA KA TRUCK SA KABANKALAN

Share on facebook
Share on google
Share on pinterest
Share on twitter
Share on print
(Contributed Photo)

Patay ang isa ka driver matapos nagbunggo ang ginamaneho nga truck sa nasugata nga isa pa ka truck sa Mabinay Highway, Brgy. Orong sa syudad sang Kabankalan, Negros Occidental kaina mga las 8 sang aga, Biernes.

Ang biktima ginkilala kay Juaquin dela Torre, Jr, 32 anyos may asawa kag nagapuyo sang Barangay Hilamonan, samtang ang driver sa na-ekwentro nga truck ginkilala kay Jonel Esperela, legal ang edad kag nagapuyo sa Barangay Oringao sa amo man nga Syudad.

Suno kay PLt Dennis Melgarejo, deputy chief of police sang Kabankalan PNP, wala sang unod ang truck ni dela Torre, apang nadulaan sang kontrol kag nag-isi – isi tubtob nagpadulong sa pihak nga dalan kag nagbungo sa nagapadulong nga truck nga puno sang tubo.

Dugang ni Melgarijo, nadugayan pa nga nakuha ang napatay bangud na-ipit ini sa driver seat.

Padayon pa ang imbestigasyon sang otoridad. | Aksyon Bryan Morden

What’s your Reaction?
+1
0
+1
0
+1
0
+1
0
+1
0
+1
0
+1
0

20.4M NGA BALOR SANG SUSPECTED SHABU NAKUHA SA DUHA KA BYAHERO

Narekober ang tatlo ka kilo sang ginasuspetsuhan shabu nga nagabili sang 20.4 milyones pesos sa duha ka mga Maranao nga nagsakay sa Roll-on Roll-off (RoRo) vessels padulong sa syudad sang Bacolod kaina sang udto, Lunes.

Ang mga nadakpan ginkilala sanday Aslani Disomangcut Usman, 38 anyos kag Jalane Mohammad Ambulo, 32 anyos nga pareho tumandok sang Marawi, Lanao Del Sur.

Suno kay PDEA-Negros Occidental Agent Bamboo, nagapatigayon sang regular nga profiling kag paneling ang mga personnel sang PDEA sang na-detect sang isa sa ila K9 ang salakyan nga may unod sang illegal drugs.

Nakuha sa compartment sang salakyan ang tatlo ka putos nga may unod sang ginasuspetsuhan shabu.

Narekober man sang kapulisan ang duha ka touchscreen mobile phones kag personal ID sang mga suspetsado.

Bangud sang narekober nga ginasuspetsuhan shabu, ginakabig ang mga nagkaladakpan nga high value individuals.

Ginpanginwala naman sang mga nadakpan nga ila ang mga ginasuspetsuhan shabu.

Sa pagsaysay ni Ambulo sa Aksyon Radyo Bacolod, ginpahulam lamang sang iya abyan nga residente sang Metro Manila ang salakyan matapos sini mahibaloan nga magapauli sila sa Marawi.

Aligasyon pa ni Ambulo, masami na nila nga alagyan ang syudad sang Bacolod kun magpauli sa Marawi bangud nga nagalabay sila sa ila mga kakilala sa Barangay 31, sa syudad sang Bacolod.

Dugang pa ni Ambulo, wala man ini sang ideya nga may nakatago nga droga sa compartment sang salakyan. Palayag pa ni Ambulo nga sa online lamang gid sila nagkilalahay sang persona nga nagpahulam sa ila sang salakyan.

Ginkumpirmar ni Philippine Coast Guard-Negros Occidental Commander Captain Ludovico Librilla nga ang grupo nanday Usman kag Ambulo ang madugay na nga gina-surveillance sang otoridad.

Dugang pa ni Librilla, basi sa impormasyon gikan sa mga confidential informant, makatatlo na ka beses nga nagabalik-balik sa syudad sang Bacolod ang mga suspetsado.

Nagpasalamat naman si Librilla sa kooperasyon sang publiko sa paghatag sang mga impormasyon sa PCG. | Aksyon John Diaz

What’s your Reaction?
+1
0
+1
0
+1
0
+1
0
+1
0
+1
0
+1
0

COVID-19 PATIENT, PATAY SANG NAGLUMPAT SA 5TH FLOOR SANG BUILDING SANG HOSPITAL

Patay ang isa ka Covid-19 positive patient matapos nga naglumpat sa isa sa mga building sang Corazon Locsin Montelibano Memorial Regional Hospital, sa Barangay 9, syudad sang Bacolod kaina sang aga, Lunes.

Suno kay Police Station 2 Commander Police Captain Paul Vincent Pendon, naglumpat ang 68 anyos nga lalaki nga residente sang syudad sang Bacolod gikan sa ika-lima nga panalgan sang ospital kag nagtupa sa atop sang water treatment building facility sang ospital.

Dugang pa ni Pendon, nakabati lamang sang mabaskog nga lagabong ang gwardiya sang ospital kag nakita na lamang nga nagahapa sa atop ang pasyente.

Nabali ang tiil kag nakaangkon sang pilas sa ulo ang pasyente nga gintunaan sang iya kamatayon.

Ang napatay isa ka COVID-19 positive patient nga naka-confine sa regional hospital.

Suno kay Pendon, duha ka mga pasyente ang naka confine sa sulod sang Room 511 sang ospital apang ang upod sang napatay ang nakagwa na pasado las 12 ang takna kaina sang udto.

Sa imbestigasyon sang kapulisan nahibaloan nga ginhatagan pa sang bulong sang attending nurse ang napatay pasado las 12:30 sang udto.

Nahibaloan man sang kapulisan nga nag-ayo’ ang napatay nga magwa sa isolation facility.

Suno kay Pendon, mahimo nagtuyo nga magpalagyo ang napatay gikan sa isolation pinaagi sa paglumpat sa building.

Ginpahayag man sang hepe nga wala sang foul play sa amo nga insidente.

Enero 21, 2022 sang nagsulod sa Hospital ang napatay bangud nagpositibo sa COVID-19. | Aksyon John Diaz

Hopeline PH’s 24/7 hotlines:

0917-558-4673 (Globe)
0918-873-4673 (Smart)
02-88044673 (PLDT)
2919 (toll-free for Globe and TM)

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.