Ginpahayag ni Sev Alojipan, 21 anyos kag utod ni Meldy Capillo, nga handa sila nga mag areglo sa tion nga sabton sang suspek ang tanan nga balayran sa pagpalubong sa iya nga utod.
Si Meldy Capillo ang isa sa apat ka napatay nga sakay sa tricycle sang nabungguan sila sang pick-up nga gina maneho ni Christopher Antiqueño, 50, sang Barangay Granada, Bacolod.
Ginpahayag ni Sev, nga may apat kag walo ka tuig nga bata ang iya utod kag aminado nga may kabudlayan sa pinansyal nga aspeto.
Dugang pa sini, nga upod niya trabaho ang iya utod sa isa ka tubigan kag papuli na kuntane pero natabo ang aksidente.
Suno kay Cpl. Harvey Trageco, imbestigador sang Hinigaran PNP, kaso nga Reckless Imprudence Resulting to Damage to Property and Multiple Homicide ang paga atubangon sang suspek.