Lansehanay sa partihanay sang kwarta gikan sa benta sang kinawatan nga pagkabutang kag ilegal nga druga ang nakit-an nga motibo sang Police station number 2 sa pagpatay kay Raymund Apelledo 29 anyos, matapos ginluthang kagab-i sa Prk. Nangka, Brgy. 3, syudad sang Bacolod.
Suno kay PCapt. Paul Vincent Pendon, hepe sang Police Station 2, si Apelledo isa ka anay bilanggo sa kaso illegal gambling kag ilegal nga druga kag naka guwa sa prisohan Abril 2021 kag nangin miembro sa isa ka grupo nga ang modus pagpangholdap, pagpangawat kag carnapping.
Nagapati si Pendon sa posibilidad nga basi ang grupo ni Apelledo ang nagpatay sa iya sa diin nakuha sa lugar sang insesente ang 21 ka mga basiyo sang 9mm pistol kag karon ginpaidalum na sa ballistic examination. | Aksyon Alvin Grava
