KABANKALAN NAKARECORD SANG IKA-16 NGA NAPATAY BANGUD SA COVID-19

Share on facebook
Share on google
Share on pinterest
Share on twitter
Share on print

Patay sa COVID-19 ang 83 anyos nga lola sang Brgy. Tabugon syudad sang Kabankalan.

Ini amo ang ika-16 nga COVID-19 deaths sa syudad. Sa datos sang City Health Office, Hunyo 1 tubtub 12, 2021, nagtener   sa  iya puluy-an ang  pasyente samtang  nagabatyag sang mga sintomas sang COVID-19.

Alas 5 sang hapon Hunyo 13,  siya ang nagpakonsulta sa Dr. Gumercindo Garcia Sr. Mem’l. Hospital sa Brgy. 5 Kabankalan, kag naghulat sang kapin 30 minutos.

Apang bangud nga wala sang bakante, siya ang  gintugyan sa  Lorenzo D. Zayco District Hospital tubtub nga ginsaylo kag gin admit sa Doña Corazon Locsin  Montelibano Memorial Regional Hospital syudad sang Bacolod.

Ginkuhaan sang swab test ang pasyente  kag  nagpositibo sa COVID-19 sa ginpagwa  nga resulta sang Hunyo 15.

Alas 6:05 sang  gab-i Hunyo 19 sang gindeklarar nga patay ang pasyente nga may ginabatyag man nga masakit nga asthma. Ginpatigayon na ang contact tracing. | Aksyon Marlon Genovea

DOH MAGAPATIGAYON SANG SITE INSPECTION SA POSIBLE PATUKURAN SANG BACOLOD GENERAL HOSPITAL

Magapadulong ang DOH sa syudad sang Bacolod para sa site inspection sa lugar nga posible pagatukuran sang Bacolod General Hospital.

Ini matapos nga damlag lang, ginpabalo sang DOH si Congressman Greg Gasataya nga ginlakip na sang Department of Budget and Management ukon DBM ang pondo para sa pag tukod sang hospital sa 2022 National Expenditure Program.

Suno kay Gasataya, tinalikdan nga semana sang ginpabalo siya sang DOH nga luyag nga magpadulong sa Bacolod para sa site inspection pero wala pa sang pat-od nga petsa.

Nagpangabay man si Gasataya sa DPWH kag DOH nga mag himo sang perspective sang hospital bilang preparasyon sa natalana nga budget deliberation sang kongreso.

Suno sa Kongresista, indi pa niya mapalayag ang mga lugar nga posible tukuran sang hospital pero nagapabilin pa nga bukas sa tion nga may luyag pa nga magtanyag sang propedad.

CAELIAN LIWAT NGA NAGPOSITIBO SA COVID-19

Liwat nga nagpositibo sa coronavirus disease (COVID-19) si Provincial Disaster Management Program Division (PDMPD) Head kag Provincial Incident Management Team (PIMT) Commander Dr. Zeaphard Gerhart Caelian.

Suno kay Caelian, Biyernes Hulyo 23 sang maglain ang iya pamatyag gani siya ang nagpa swab test sang Lunes Hulyo 26 kag nagpositibo sa COVID-19.

Gin swab test man ang myembro sang iya pamilya apang lunsay nagnegatibo ang resulta.

Ginpaidalom na sa decontamination ang opisina sang PDMPD sa Panaad Park Mansilingan kag gin swab test man ang pila ka mga personnel sini nga naka close contact kay Caelian.

Marso 2021, si Caelian ang nagpositibo man sa COVID-19 isa ka adlaw antis ang iya schedule sa una nga dose sang AstraZeneca vaccine.

Sa karon siya ang naka isolate sa Mambucal Resort banwa sang Murcia. | Aksyon Marlon Genovea

MORE STORIES:

LIKE US ON FB

error: Ooops... You are not authorized to copy this content.