KABANKALAN PNP BLANGKO PA SA SUSPEK SA PAGPATAY SA DUHA KA LALAKI

Share on facebook
Share on pinterest
Share on twitter
Share on print

Blangko pa Kabankalan City PNP sa identity sang suspetsado sa pagpatay sa mag-abyan nga sanday Erwin Colorado kag sa 16 anyos nga soltero matapos makapila ka beses nga ginbuno tubtub napatay Byernes nga adlaw, sa Purok Pili, Brgy 6, syudad sang Kabankalan.

Suno kay PCapt Dennis Melgarejo, deputy Chief of Police sang Kabankalan PNP nga sa inisyal nga pagpangusisa, antis natabo ang insidente, ulihi nga nakaupod sang duha ka mga biktima ang isa pa nila ka abyan nga karon ginakonsiderar nga person of interest.

Dugang pa ni Melgarejo, wala na sa barangay Biniquil ang abyan sang mga biktima matapos natabo ang pagpatay.

Ginpahayag man Melgarejo nga sa ikaduha nga tion, liwat naman napaslawan ang kapulisan matapos wala naabtan kagab-i sa banwa sang Isabela ang ila person of interest nga ginapatihan nagpalagyo pila lamang agwat antes ang pag abot sang kapulisan.

Nagapabilin nga blanko sa motibo sa pagpatay. | Aksyon Alvin Grava

What’s your Reaction?
+1
0
+1
0
+1
0
+1
0
+1
0
+1
0
+1
0

ISTRAKTURA PARA SA DEAF-MUTE COMMUNITY SA BACOLOD PLAZA, GINAPAKAKAS

Ginmando ni Mayor Albee Benitez ang pagkakas sa estraktura nga ginpahamtang sa isa ka waiting shed sa plaza publika sang Bacolod, sa kilid sang dalan San Juan.

Suno kay City Legal Officer Atty. Romeo Carlos Ting Jr., ginpangabay na sang alkalde ang Department of Social Services and Development (DSSD) kag General Services Office (GSO) nga pangitaan sang lugar nga masayluhan ang mga miyembro sang Deaf-Mute Community of Bacolod nga amo ang naghangyo sa syudad nga mausar ang waiting shed bilang learning center.

Dugang pa ni Ting, nagligad pa nga tuig sang nagpangabay ang grupo sa syudad apang wala lamang mamonitor sang maayo nga nagpatukod na ang mga ini sang estraktura.

Suno kay Ting, wala na ginatugutan ang anu man nga estraktura sa plaza, bangud ini ang ginaplanuhan nga ipaidalom sa major renovation. | Dolly Yasa Photo/FB

What’s your Reaction?
+1
2
+1
0
+1
0
+1
0
+1
0
+1
0
+1
0

SILAY SP NANINDUGAN NGA WALA SANG PAMULITIKA SA WALA PA PAGHATAG SANG RONO SA BULK WATER PROJECT

Nanindugan ang Sangguniang Panlungsod sang syudad sang Silay nga wala sang pamulitika sa isyu nga wala pa sila maka hatag sang resolution of no objection (RONO) sa 1.2 bilyones pesos nga Negros Occidental Bulk Water Project.

Sa phone patch interview, Myerkules, ginbasa ni Silay Vice Mayor Thomas Maynard Ledesma, ang opisyal nga statement sang ila konseho sa sini nga isyu.

Ginpahayag ni Ledesma, nagapangabay pa sang klaripikasyon ang pila ka miembro sang konseho lakip na dire kon ang proyekto ang maka apekto sa mga establisamento kag factories sa Silay nga nagasalig sa suba nga kuhaan sang tubig.

Luyag man maklarohan sang Konseho kon ang proyekto ang maka apekto sa sektor sang agrikultura, ang existing nga application sang Vivant Hydropower Plant sa Kapitan Ramon, ang impact sang proyekto sa environment.

Nasaad man sa statement nga ang proponent ang dapat nga magpangabay sang opinion sang mga eksperto kaangay sang DENR, Department of Agriculture, DRRM sa posible peligro nga madulot sang proyekto.

Luyag man sang Konseho nga mahibaluan ang benepisyo sang sini nga proyekto para sa Silay kag ang financial impact sa bili sang tubig sang Silay City Water District (SiCiWa)

Gin ehemplo sang Konseho ang mga potentional problems nga nagakatabo karon sa Cagayan De Oro nga may yara man sang Bulk Water Project kag indi luyag nga ini ang matabo man sa Silay.

Ginpahayag sang Bise-Alkalde, nga wala sang politika dire kag ila lamang dire ginalantaw ang welfare sang ila mga pumuluyo.

Nagalaum si Ledesma nga masabat ang ini nga mga pamangkot sa tion nga liwat nga mag presentar ang proponent sang sini nga proyekto.

RONO SANG TATLO KA BARANGAY, GINAHULAT

Ginahulat sang Sangguniang Panlungsod sa syudad sang Silay ang resolution of no objection sang tatlo ka mga Barangay nga posible ma apektuhan sang Negros Occidental Bulk Water Project.

Ginpahayag ni Vice Mayor Ledesma, ini nga mga Barangay ang ginalakipan sang Barangays Hawaiian, Kapitan Ramon, kag Guimbala-on.

Suno kay Ledesma, wala nila mapalambot ang mga concern sang ini ang gintalakay kaangay sa water summit bangud wala sila nakahibalo sa sini nga proyekto.

Ginpahayag sang Bise-alkalde, nga isa pa sa ginakabalak-an amo ang posible pagsaka sang water rate kon ang SiCiWa ang magabakal sang tubig sa sini nga proyekto.

Suno pa kay Ledesma, ginpalambot man sa ila sang SiCiWa nga may nagakaigo sila nga suplay sang tubig kag indi na kinahanglan magkuha sang tubig sa bulk water project.

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.