Natalana nga mag isyu sa masunod nga semana sang resolution ang Election Registration Board ukon ERB matapos ginkwestyon ang 41 ka mga applicants sa voter registration sa syudad sang Bacolod.
Ginpahayag ni Bacolod Election Officer Atty. Kathrina Trinio-Caña, 41 tanan ka mga applicant ang nag atubang sa ERB sang Agusto 1 nga gikan sa Barangays 19, 28 kag 41.
Suno kay Caña, kalabanan sa mga applicant nga ginkwestyon ang wala makapakita sang proof of residency samtang ang iban ang may dala nga bill sang kuryente ukon nagaclaim nga nagaupod sa ila nga live-in partners.
Ang mga ginkwestyon nga applicant ang kalabanan naga edad 15 tubtob 17 anyos.
Magalawig ang ERB tubtob subong nga semana para sa masobra 10 mil ka mga registrant.
What’s your Reaction?
+1
+1
+1
+1
+1
+1
+1
