Gin kumpirmar ni Atty. Caesar Distrito legal Counsel ni Punong Barangay Noli Villarosa sang Tangub nga ila na nga gin file subong nga adlaw Huwebes Disyembre 8 ang Motion for Reconsideration sa talatapan sang Ombudsman matapos ang ginisyu nga dismissal order.
Suno kay Distrito, ini nga aksyon legal ukon legal remedy sang kampo ni Villarosa ang ila ginpatigayon apisar nga may yara pa kon tani sang pila ka mga inadlaw nga nabilin nga panahon antis ang gin talana nga deadline.
Kumpiyansa man si Distrito nga maga pabor sa iya kliyente ang desisyon sang Ombudsman sa palaabuton. Liwat man nga gin klaro ni Distrito nga indi graft and corruption ang kaso ni Villarosa kundi nangin kabahin lamang sang iya performance kag duty sa tuyo nga mapalapad lang dalan sang Ramylu Drive sa Brgy Tangub.
Dugang pa sini, klaro man sa ebidensya nga street lot ang natindugan sang ginguba nga kudal kag nagpasugot man ang tag iya sang balay bangud ini ang nagbaton pa gani sang financial assistance halin sa barangay.
Suno pa sa abogado, layo naman ang lote nga gina panag-iyahan sang naga serbe nga tag reklamo kag wala man gani ini nahalitan sang gin patuman nga clearing operation.
Pagklaro pa ni Distrito nga na dismiss na ini nga kaso sadto kag sa idalum sang polisa ini ang indi na pwede pa nga i-apelar sang tagreklamo paagi sa pag file sang motion for reconsideration. | Aksyon Art Tayhopon