KAP ALCANTARA LUYAG MAKASAPOL ANG ALKALDE MATAPOS GIN ISYU NA ANG NOTICE TO VACATE

Share on facebook
Share on pinterest
Share on twitter
Share on print

Ginpahayag ni Barangay 12 punong Barangay JR Alcantara nga liwat pa sila maga-istorya kay Bacolod City Mayor Albee Benitez sa pihak nga ginhatagan nalang ang mga residente sg tubtob Enero 8, 2024 nga maghalin sa lugar.

Suno kay Alcantara, nagalaum sila nga sa pihak nga ginpapanaugan na sang notice to vacate pahanugutan sang alkalde ang ila pangabay nga patapuson ang anum ka bulan antes sila maghalin.

Dugang pa, subong nga adlaw makadto si Alcantara sa Bacolod Housing Authority para hibaluon kon ngaa sa 50 ka mga apektado nga residente, 32 lang ang kwalipikado para sa relocation site kag mahingyo sa alkalde nga mabuligan ang mga residente nga financial assistance lang ang mabaton kag wala sang sayluhan.

Tinguhaan man sang barangay nga makahatag sila sang dugang nga bulig sa mga apektado nga residente.

What’s your Reaction?
+1
0
+1
0
+1
0
+1
0
+1
0
+1
0
+1
0

ANAY PRESO NGA GINALEGAR NAGBATO SA KAPULISAN NALUTHANGAN, PATAY

Patay ang 45 anyos nga lalaki kag anay priso matapos nagbato sa kapulisan pinaagi sa pagpalupok sang armas-luthang sa Sitio Tugbungan, Barangay II, banwa sang Hinigaran, Negros Occidental , Sabado, Pebrero 24, 2024.


Ginkilala ang napatay nga si Alladin “Doydoy” Palcotan, wala sang trabaho, residente sang Brgy. Araal ,syudad sang La Carlota, kag person of interest sa pagbuno sa abyan sini nga si Eduard Acupan, 38-anyos.

Suno kay Police Major Clifford Batadhay, hepe sang Hinigaran Municipal Police Station, matapos makabaton sang impormasyon nga may yara sang stabbing incident gilayon nga nagresponde ang kapulisan.

Base sa imbestigasyon, ginbuno ni Palcotan si Acupan nga nakaangkon sang buno sa nawala nga tiyan matapos nagbaisay ang duha.

Nag negosyar pa ang kapulisan kay Palcotan bangud ini ang nagpabilin sa sulod- balay sang biktima kag may dala nga armas luthang.

Palayag ni Batadhay , nagdesisyon sila nga i-suffocate si Palcotan gamit ang fire extinguisher sang makapila ka beses apang nagapalupok ini batuk sa kapulisan.

Dugang pa, pag-abot sang 61st Special Action Force (SAF), nagbriefing ang mga ini kaupod ang kapulisan kag nadesisyonan nga sudlon nalang ang balay ni Acupan agud ma-neutralize si Palcotan.

Nakaangkon sang pilas si Palcotan matapos natiruhan kag ginhingagaw pa dala sa ospital apang gindeklarar nga dead-on-arrival.

Nahibaluan nga ang duha ka imbolbado ang mag-abyan kag bag-o lang naka gwa halin sa sulod sang prisohan.

What’s your Reaction?
+1
0
+1
0
+1
0
+1
0
+1
0
+1
0
+1
0

BATA NGA NAGPANAGO SA IDALUM SANG PICK-UP AKSIDENTE NGA NALAPAKAN, PATAY

Patay ang 4 ka tuig nga bata nga lalaki matapos nalapakan sang goma sang salakyan sa atubang sang KMart, sa dalan Galo, barangay 22, syudad sang Bacolod, alas 7:20 kagab-i, Sabado, (Feb. 24).

Sa inisyal nga pagpangusisa ni Capt. Francis Depasucat, hepe sang BCPO Police Station 4, ang menor de edad residente sang Galo, Barangay 22.

Ang suspek nga driver sang Navara pick-up ang isa ka babayi nagapang-edaron sang 35 anyos.

Dugang pa ni Depasucat, ginaalegar nagahampang ang biktima upod sa pila pa ka menor de edad kag nagpanago sa idalum sang pick-up sang aksidente nga naisulan kag nalapakan sang pangulihi nga goma ang lawas sini.

Ginhingagaw pa kon tani dala ang biktima sa Corazon Locsin Montelibano Memorial Hospital apang napatay samtang ginabulong.

Ginpahayag man ni Depasucat nga nag-istoryahanay na ang pamilya sang biktima kag ang suspek kag ginsabat man sini ang mga gasto asta sa pagpalubong.

Hungod nga wala ginhingadlan ni Depasucat ang ngalan sang suspek basi sa pangabay sang pamilya.

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.