Ginklaro ni Atty. Caesar Distrito, Legal Counsel ni Punong Barangay Noli Villarosa sang Tangub, nga indi pa final ang dismissal nga desisyon sang Ombudsman batuk sa iya kliyente kag ini ang may kinamatarong pa nga magsumitir sang iya Motion for Reconsideration ukon mag file man sang iya apelasyon sa bahin sang Court of Appeals.
Suno kay Distrito, ang hassle nga gina pangatubang sa karon ni Villarosa ang resulta lamang sang simple nga kaso nga ginpasaka sang tag reklamo sa Ombudsman, bangud man sang ginhimo sini nga compliance ukon performance sa mando nga gin papanaug sang gobyerno nasyunal angut sa implementasyon sang Road clearing operation sang tinalikdan nga Duterte administration.
Dugang pa ni Distrito, una na nga gin dismiss sang Ombudsman ini nga kaso apang liwat lamang nga nabuhi gani kumpiyansa sya nga maga pabor sa iya kliyente ang mangin desisyon sang korte sa palaabuton.
Ginpasiguro man sini nga maga pabilin sa pwesto bilang kapitan sang Tangub si Villarosa samtang naga padayon pa ang naga kaigo nga proseso angut sa amo nga kaso. | Aksyon Art Tayhopon
