KAPIN 200 KA QUARRY PERMITS SA PROBINSYA, IGAREVIEW

Share on facebook
Share on google
Share on pinterest
Share on twitter
Share on print

Ipaidalom sa pag review sang gobyerno probinsiyal, ang kapin 200 ka mga quarry permits sa Northern Negros sang, kasunod sa malala’ nga pagbaha.

Ini ang ginpahayag ni Third District Board Member Andrew Montelibano, matapos ang committee meeting sa Sanguniang Panlalawigan nga nagtalakay sa mga dapat himuon para indi na masulit ang amo nga trahedya.

Suno kay Montelibano, ila paga usisaon kun may nagakatabo nga pagpang abuso sa quarry operation nga ginapatigayon sa mga kasubaan kag kabukiran.

Una nga ginmando ni Governor Bong Lacson ang pag review sa tanan nga mga quarry permits sa koordinasyon sang concerned nga local government units, agud mabal-an kun ang quarry operations ang isa sa mga gintunaan sa nagluntad nga baha.

Samtang, Suno kay Montelibano, ila man paga usisaon kun may natabo nga pag awas sang tubig ukon pagkatiphag sa water catch basin sa Malisbog Barangay Patag syudad sang Silay.

Matapos ang inspection, ginsiling ni Montelibano nga ila ipatawag ang mga opisyal sang Department of Environment and Natural Resources (DENR), agud hibaluon kun anu ang pagahimuon para masiguro nga indi na masulit ang malala nga baha sa Northern Negros. | Aksyon Marlon Genovea

TOP 4 DRUG PERSONALITY SANG KABANKALAN PNP, NADAKPAN

Liwat magapangatubang sa dugang nga kaso ang Top 4 drug priority target list sang Kabankalan City Police Station matapos nakuhaan sang ilegal nga druga sa Sitio Nato, Brgy. Aguisan, syudad sang Himamaylan kagab-i, Hulyo 28.

Ang suspek ginkilala kay Joy Jen Utana, 28 anyos residente sang Brgy 6, syudad sang Kabankalan.

Suno kay PLt. Arturo Margallo, Deputy Chief of Police sang Himamaylan City Police station, si Utana ang nalista bilang number 1 most wanted person sang Kabankalan PNP kag paagi sa Manhunt Charlie Operation, tigayon nga ginserbi sa iya ang mandamiento de aresto sa kaso Violation of Sec. 5, sang R.A. 9165, kag wala sang piyansa batok sa iya.

Sa pag-aresto, narekober sa iya ang 1 ka gramo sang ginasuspetsuhan shabu nga may Standard Drug Price 6,800.

Si Utana ang priso karon sa custodial facility sang Himamaylan PNP kag ginahanda na ang kaso paghupot sang ilegal nga druga kag drug paraphernalia batok sa iya. | Aksyon Alvin Grava

DUHA KA DRIVER NAG AREGLUHANAY MATAPOS ANG AKSIDENTE SA BARANGAY ALIJIS

Nag-areglohanay ang magtimbang nga driver sa natabo ang aksidente kaina sang aga sa Circumferential Road South, Barangay Alijis syudad, syudad sang Bacolod.

Ang driver sang Suzuki Aluminum Van ginamaniho ni Randy Alunan, 34 anyos pumuloyo sang Purok Paho Barangay Taculing syudad sang Bacolod.

Samtang ang Mitsubishi Mini Canter ginamaniho naman ni Michael Tim-tim, 43 anyos kag pumuloyo sang Phase 3 Barangay Handumanan syudad sang Bacolod.

Suno kay Police Senior Master Sgt. Clark Cañon, traffic investigator sang Police Station 7, nagaparking ang Suzuki Aluminum Van sang ginbunggoan ini sang Mitsubishi Mini Canter.

Bangod sang impact natumba ang van kag naglapta sa dalan ang mga goods nga igadeliver sa tyangge.

Suno kay Cañon, naka-angkon sang minor nga kapilasan si alunan kag tim-tim matapos sang aksidente. | Aksyon Eric Magbanua

MORE STORIES:

LIKE US ON FB

error: Ooops... You are not authorized to copy this content.