Dungan nga ipatuman sa probinsya sang Negros Occidental ang mga polisa para sa Oplan Summer Vacation kag Oplan Semana Santa.
Suno kay Negros Occidental Police Provincial Office (NOCPPO) Spokesperson Police Captain Judesses Catalogo, bangud nga temprano pa nagsugod ang summer season sa pungsod, mas ginpatemprano sang kapulisan ang pagpatuman sang security plan may angut diri.
Dugang pa ni Catalogo, lauman ang madamo nga kapulisan sa mga areas of convergence sa palibot sang probinsya tubtob nga matapos ang semana santa.
Hugot man nga bantayan sang PNP ang mga simbahan, resorts kag mga lugar nga masami ginadagsa sang tawo kun semana santa.
Sa karun, naka blue alert status na ang bilog nga NOCPPO kag ginalauman nga i-maximize ang tanan ngq PNP personnel sa tagsa ka local government unit.