KAPULISAN PADAYON NGA GINAPADALMAN ANG PAGPATAY SA COMMERCIAL SEX WORKER KAG BUGAW NGA GIN UTDAN SANG ULO

Share on facebook
Share on pinterest
Share on twitter
Share on print

Blanko ang Talisay City PNP sa motibo sa likod sa pagpatay kag pagkasapo ang bangkay sang isa ka gin-aligar “bugaw” sadtong Setyembre 17 sang gab-e sa Hda. Sagrado 2, Brgy. Zone 16, syudad sang Talisay.

Suno kay Police Lt. Col. Arthur Baybayan, hepe sang Talisay City PNP, padayon pa ang imbestigasyon sang kapulisan sa pagpatay kay Mario Demetrio, 48 anyos residente sang Purok Sigay Magsungay, Brgy Singcang Airport, syudad sang Bacolod.

Si Demetrio ang ginpugutan sang ulo kag ang lawas sini ang ginhal-id lamang sa kilid sang dalan.

Indi pa makumpirmar sang kapulisan kun didto mismo sa crime scene ginpatay si Demetrio.

Sa inisyal nga report sang Talisay City PNP, wala sang dugo nga nagalapta sa crime scene kun sa diin nasapwan ang bangkay, indikasyon nga mahimo sa lain nga lugar ini ginpatay ang bikti,a.

Natalana naman nga magpatigayon sang case conference ang Talisay City PNP may angut sa kaso ni Demetrio.

Sa karun, nagapakig-angut na ang imbestigador sang Talisay City PNP sa Bacolod City Police Office.

Sa nahibaluan, si Demetrio ang nagbugaw kay Rovily Mahinay, 26 anyos, nga nasapwan patay sa kilid sang dalan sa Prk. Progreso, brgy. Alijis, syudad sang Bacolod.

POLICE STATION 7 UPDATE

Nagalaum si PCapt. Elmer Bonilla hepe sang Police Station Number 7 nga may bag-o nga magatindog nga testigo para masolbar ang kaso nga pagpatay sa isa ka commercial sex worker.

Suno kay Bonilla, nakilala na sang kapulisan si Demetrio, ang bugaw nga mahimo makahatag sang impormasyon sa pagsolbar sa kaso pagpatay kay Mahinay, apang ginpatay kag nakita ang bangkay sini sa Hda. Sagrado 2, Brgy. Zone 16, syudad sang Talisay.

Ginmanduan man ni Bonilla ang imbestigador sang Police station 7 nga magpakig-angot sa Talisay City Police station sa tuyo nga makakuha sang dugang pa nga mga ebidensya sa nga makahatag kasanagan sa kaso.

Nagalaum si Bonilla sa posibilidad nga may nahatag nga mga impormasyon si Demetrio sa iya pamilya antis ginpatay sa tuyo nga masolbar man ang kaso pagpatay kay Mahinay.

Gin ako ni Bonilla nga dako nga impact sa ila imbestigasyon ang kamatayon ni Demetrio.

Para sa hepe wala nagkulang ang kapulisan sa pag follow-up sa imbestigasyon apang ang kabudlay lamang amo ang kooperasyon sang testigo.

PAMILYA DEMETRIO

Nagalaum ang Pamilya Demetrio nga mahatagan hustisya ang kamatayon sang ila himata nga si Mario Demetrio, nga residente sang Purok Sigay Magsungay, Brgy Singcang Airport, syudad sang Bacolod.

Sa interview sang Aksyon Radyo kay Anita Demetrio, iloy sang biktima, ginpahayag sini nga ulihi nakita si Mario las 9 sang gab-i sa isa ka computer shop sa Prk Sigay apang naglakat matapos gintanyag sang wala makilala nga persona ang goma sang salakyan nga iya pa kon tani baklon kag maginansyahan apang wala na makapauli pa.

Gin ako man ni Anita, nga magluwas sa pagbaligya sang mga second hand nga piyesa, naga sideline man si Mario bilang bugaw sa Golden field Commercial Complex.

Ginpahayag man ni Anita nga antis ginpatay ang iya bata, pila na ka adlaw may nagapangita sa iya bata matapos ginpatay sang wala makilala nga persona ang ginbugaw sini nga babayi sa Goldenfield nga sa ulihe nasapwan patay sa Brgy. Alijis.

Nagapati ang pamilya Demetrio nga tuman ang kaakig sang suspek sa makasiligne nga pagpatay sa ila himata. |  Aksyon Alvin Grava, Aksyon Ann Defensor, Aksyon Zil Menardo

What’s your Reaction?
+1
1
+1
0
+1
0
+1
1
+1
0
+1
0
+1
0

LPP PABOR SA PAGPAISOL SANG SK KAG BRGY. ELECTIONS SA OKTUBRE 2023

Pabor ang League of Provinces of the Philippines (LPP) sa pagpaisol sa barangay kag Sangguniang Kabataan (SK) elections sa Oktubre 2023.

Suno kay Negros Occidental Governor Bong Lacson, isa ini sa mga topiko nga gintalakay sa ginpatigayon nga 2nd LPP General Assembly sa syudad sang Koronadal South Cotabato nagligad nga Setyembre 30.

Dugang ni Lacson, pagahulaton na lamang nila nga mga gobernador ang pagpirma ni Presidente Bongbong Marcos Jr. sa hagna.

Nagligad nga Miyerkules ginratify sang Kamara ang bicameral conference committee report sang hagna, antis isumiter sa Malacañang para pirmahan ni Presidente Marcos.

Ang House Bill No. 4673 ang nagatalana sang brgy. kag SK elections sa una nga Lunes sang Desyembre 2023, samtang ang Senate Bill No. 1306 ang nagatalana naman sa ikaduha nga Lunes sang Desyembre 2023.

Apang ginkasugtan sang bicameral conference committee nga italana ang eleksyon sa katapusan nga Lunes sang Oktubre 2023. | Aksyon Marlon Genovea

What’s your Reaction?
+1
0
+1
0
+1
0
+1
0
+1
0
+1
0
+1
0

MASSKARA FESTIVAL SITES SA AREA SANG POLICE STATION 1 NAGAPABILIN NGA MATAWHAY

Nagapabilin nga wala sang problema ang tatlo ka area of responsibility (AOR) sang Bacolod City Police Station 1 nga amu ang, Bacolod City Public Plaza, Carnival kag Baywalk.

Ginpahayag ni Police Major Ramel Sarona ,hepe sang Police station 1 nga maayo kay naga kooperar man ang mga nagabantay sang kiosko kag mga katawhan nga nagalagaw sa ila AOR.

Suno sa hepe may yara 110 nga PNP personnel ang nakadeploy sa ila nga area ,rason nga hugot ang seguridad sang mga tawo.

Palayag ni Sarona wala man sila may nakuhaan sang deadly weapon sa ila pag tsekyar sa mga tawo nga nagasulod sa Plaza halin sa pagsugod sang Masskara Festival.

Samtang hugot man nga ginadilian ang pagpanigarilyo sa pampubliko nga lugar kag paglagaw samtang may dala nga botelya sang anuman klase nga makahulubog nga ilimnon. | Aksyon Zil Menardo

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.