KASO NGA RAPE GINPASAKA BATUK SA SECURITY GUARD MATAPOS POSITIBO NGA NAHIMUSLAN ANG MENOR DE EDAD

Share on facebook
Share on google
Share on pinterest
Share on twitter
Share on print

Napasaka na sang Police Station 1 Women and Children Protection Desk ang kaso nga rape batok sa 34 anyos Security Guard nga naghimulos sa 16 anyos.

Una diri wala sang plano ang pamilya sang biktima sa pagpasaka sang kaso batok sa suspetsado.

Nagwa sa resulta sang medical examination nga positibo sa sexual abuse ang biktima.

Sa inbestigasyon sang kapulisan nagwa nga ginhagad sang suspetsado ang biktima sadtong Hulyo 28 sang gab-i sa isa ka lugar diri sa syudad sang Bacolod.

Wala ma priso ang suspetsado bangod wala sadto nagkooperar ang pamilya sang biktima sang matabo ang insidente.

Suno kay Police Lt. Arlyn Torrendon, Bacolod City Police Office Women & Children Protection Desk head, ginakonsiderar niya nga solved kag close case na ang kaso matapos mapasaka ini sa korte. | Aksyon Eric Magbanua

What’s your Reaction?
+1
0
+1
0
+1
0
+1
0
+1
0
+1
0
+1
0

DOSE KA MGA ESTABLISAMENTO GINPAPANAUGAN SANG SHOW-CAUSE ORDER SANG SSS BACOLOD

12 tanan ka mga employer ang napadulongan sang Social Security System Run After Contribution Evaders ukon SSS-RACE campaign sa duha ka adlaw nila nga operasyon.

Sa interview sa Aksyon Hotline, ginpahayag ni SSS Bacolod Visayas West 1 Division Regional Communications Officer Charisse Magdalene Avila, duha ka branch sang SSS sa Bacolod ang nag-operate nga amu ang SSS East Branch kag SSS Lacson Branch.

Suno kay Avila, sang Huwebes, ang East Branch ang nagpatigayon sang operasyon sa diin anum ka mga employers ang napadulongan kag sang kahapon Biyernes, anum man ka mga employers ang napadulongan sang Lacson Branch.

Suno pa kay Avila, ang nasambit nga mga employers ang ginhatagan sang 15 diyas agud mag-comply.

Nahibaloan, ang tuyo sang RACE campaign sang SSS amu ang paglagas sa mga employers nga wala gina-remit sang insakto ang kontribusyon sang ila mga empleyado. | Aksyon Dorel Cabatu via Aksyon Hotline

What’s your Reaction?
+1
0
+1
0
+1
0
+1
0
+1
0
+1
0
+1
0

LALAKI, NAKUHAAN SANG 34K NGA DROGA SA BRGY. 2, BACOLOD

Nadakpan ang isa ka street level individual (SLI) sa drug buy bust operation sang Bacolod City Police Station 2 mga ala 1:41 sang hapon,Agosto 6 , 2022 sa Prk.Sigay, Brgy.2 , Bacolod City.

Ang nadakpan amu si Jessmar Austria alyas Baba, 24 anyos kag residente sang Prk.Pablo Torre, Brgy.Vista Alegre syudad sang Bacolod.

Suno kay Police Lieutenant Jovito Pastrana, Deputy station Commander sang Police station 2 nga nagapangayaw lang ang suspek sa lugar sang ini ang nadakpan  kag wala man sang pending ukon previous case.

Narekober sa suspek ang duha ka sachet nga shabu ,may kabug-aton nga 5 gramos kag nagabalor  sang 34, 000 pesos.

Sa karon yara na nahunong ang suspetsado sa pasilidad sang Police station 2. | Aksyon Zil Menardo

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.