KASO SANG INFLUENZA-LIKE ILLNESSES SA PROBINSYA NAGSAKA SANG 258%

Share on facebook
Share on pinterest
Share on twitter
Share on print

Ginpanugyan ni Provincial Health Officer Dr. Ma. Girlie Pinongan sa publiko nga magbinantayanon sa influenza-like illnesses, agud mapunggan ang pagdamo sang masakit sa Negros Occidental.

Ini kasunod sa 258.93% nga pagsaka sang kaso umpisa Enero 1, tubtub Desyembre 2, 2023.

Sa morbidity 48 surveillance report sang Provincial Health Office, naglab-ot ang kaso sa 2,211, mas mataas sang sa 616 lamang nagligad nga 2022.

Ang Isabela amo ang may pinakadamo nga kaso nga may 1,680 kag ginsundan sang San Carlos nga may 129.

Ginklaro ni Pinongan nga kontrolado pa ang kaso kag wala man sang pasyente ang may malala nga kahimtangan.

Nagasalig si Pinongan nga normal lamang ini nga masakit bangud sa pabag-o bag-o nga panahon.

Duha ka tuig ang nagligad sang matabo ang outbreak sang COVID-19, liwat nga ginreport sa China ang respiratory illness nga gindudahan pneumonia.

Apang ginklaro sang mga otoridad sa China nga indi ini bag-o nga strain sang COVID-19 ukon anu man nga pathogen.

What’s your Reaction?
+1
0
+1
0
+1
0
+1
0
+1
0
+1
0
+1
0

KAPIN 1M NGA BULIG PINANSYAL GINHATAG SANG DSWD SA NA APEKTUHAN SA EKWENTRO SA ESCALANTE KAG TOBOSO

Kapin P1 million pesos nga bulig pinansiyal ang ginhatag sang Department of Social Welfare and Development (DSWD) Field Office VI – Disaster Response Management Division sa mga Internally Displaced Individuals nga naapektohan sang armed conflict sa boundary sang Escalante kag Toboso, Negros Occidental.

Suno kay DSWD Region 6 Director Atty. Carmelo N. Nochete, nabalaka ang ila departamento sa trauma nga gintuga sang sunod-sunod nga lupok , sa mga pamilya ilabi na sa mga kabataan. Basi sa report sang Local Social Welfare Office sang Escalante kag Toboso, 268 ka mga pamilya nga may 1,092 ka mga individual ang apektado.

240 ka mga pamilya nga may 980 ka mga indibidwal ang nagtener sa mga evacuation centers.

Gin-usisa man sang DSWD personnel ang mga evacuees agud mahibaluan ang ila mga isyu kag concerns sa sulod sang evacuation center.

What’s your Reaction?
+1
0
+1
0
+1
0
+1
0
+1
0
+1
0
+1
0

BATA NGA NAGPANAGO SA IDALUM SANG PICK-UP AKSIDENTE NGA NALAPAKAN, PATAY

Patay ang 4 ka tuig nga bata nga lalaki matapos nalapakan sang goma sang salakyan sa atubang sang KMart, sa dalan Galo, barangay 22, syudad sang Bacolod, alas 7:20 kagab-i, Sabado, (Feb. 24).

Sa inisyal nga pagpangusisa ni Capt. Francis Depasucat, hepe sang BCPO Police Station 4, ang menor de edad residente sang Galo, Barangay 22.

Ang suspek nga driver sang Navara pick-up ang isa ka babayi nagapang-edaron sang 35 anyos.

Dugang pa ni Depasucat, ginaalegar nagahampang ang biktima upod sa pila pa ka menor de edad kag nagpanago sa idalum sang pick-up sang aksidente nga naisulan kag nalapakan sang pangulihi nga goma ang lawas sini.

Ginhingagaw pa kon tani dala ang biktima sa Corazon Locsin Montelibano Memorial Hospital apang napatay samtang ginabulong.

Ginpahayag man ni Depasucat nga nag-istoryahanay na ang pamilya sang biktima kag ang suspek kag ginsabat man sini ang mga gasto asta sa pagpalubong.

Hungod nga wala ginhingadlan ni Depasucat ang ngalan sang suspek basi sa pangabay sang pamilya.

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.