KATUNGA SANG MGA NA INSTALL NA NGA CCTVs SA BACOLOD WALA NA NAGA OPERATE – CDRRMO

Share on facebook
Share on pinterest
Share on twitter
Share on print

Nagpadala na sang request sa City Mayors Office ang talatapan ni Executive Assistant kag CDRRMO cluster head Aaron Bais agud sa kinahanglanon nga parts para sa pagpakay-o sang nagkalaguba nga CCTV camera sa palibot sang syudad.

Suno kay Bais base sa ila inventory, sa kabilugan nga 103 ka mga CCTV camera nga na install sa bilog nga Bacolod, halos katunga lamang sini sa karon ang naga operate nga gina lakipan sang ila damlag lang gin pakay-o nga mga units.

Dugang pa ni Bais, may yara pa sang mga CCTV camera nga indi na madala pa sa repair bangud makabig na nga obsolete.

Suno pa opisyal nga kon operational lamang kon tani ini nga mga CCTV camera, ini ang maka hatag kon tani sang dako nga bulig sa monitoring nga gina patigayon sang CDRRMO operation center. | Aksyon Art Tayhopon

What’s your Reaction?
+1
0
+1
0
+1
0
+1
0
+1
0
+1
0
+1
0

SHORT TERM KAG LONG TERM SOLUTIONS SA PAGBAHA SA BACOLOD, GINTALAKAY

Na identify sang syudad sang Bacolod ang 22 tanan ka mga ‘critical areas’ nga ginbaha kasunod sang pagbunok sang ulan kahapon, Lunes nga adlaw, Okrubre 3.

Ini ang natumod paagi sa ginpatawag nga pagsinapol ni Mayor Albee Benitez kaupod ang DPWH, Bacolod CDRRMO, City Engineer’s Office kag si Vice Mayor El Cid Familiaran kaina sang aga, Martes.

Ini nga mga lugar ang makit-an sa Hi-Strip, SM City, Brgy. 12, Burgos-Hilado St., Downtown Area , Gonzaga Subd., Brgy. Villamonte, Libertad Public Market, Central Market, Lacson-Hernaez St., Rosario-Mabini St., Gonzaga-Lopez Jaena, Luzuriaga-Gatuslao St., Gonzaga-Mabini St., Lopues East, Lupit River, Brgy.40, Mandalagan River, Sta. Ana, Brgy. 31, J.R. Torres, Gatuslao-Hernaez St., Mabini-Libertad St., Hernaez St. malapit sa Cokin Bldg., Magsaysay sa Flyover kag Magsaysay – Lacson St.

(BCD PIO Photo)

Ginpahayag ni Dr. Anna Maria Laarni Pornan, head sang CDRRMO, naghimo sila sang short-term kag long term solutions para ma solusyunan ang problema sa baha.

Ang short term plans ang ginalakipan sang pag-ilis sang manhole cover nga mangin steel grating type, declogging sang drainage systems, pagpadako sang water inlets, pagpalapad sang opening sang mga catch basins, pagpatuman sang maayo kag strikto nga pag-implementar sang -pagkuha kag paghaboy sang basura sa mga barangay, kag paghatag sang pahibalo sa mga stakeholder.

Ginpahayag ni Pornan, nga para sa long-term plan, may ipahamtang nga mga diversion channels para dire ma release ang tubig kag magapakig-angut man ang syudad sa DPWH Bacolod District Engineering Office bangud kalabanan nga proyekto ang napaidalum sa sini nga ahensya.

Natalana pa liwat nga magasapol ang natungdan nga mga opisina para maplastar ang mga solusyon sa pagbaha.

What’s your Reaction?
+1
0
+1
0
+1
0
+1
0
+1
0
+1
0
+1
0

GOV LACSON WALA SANG MAY NAKIT-AN NGA PROBLEMA SA GINADUSO NGA NEGROS ISLAND REGION KON SIN-O MAN ANG GOBERNADOR SA NEGROS ORIENTAL

Wala sang nakit-an nga problema si Negros Occidental Governor Bong Lacson kun sin-o man ang magapungko nga gobernador sa Negros Oriental, sa ginaduso nga pagbuhi sang Negros Island Region (NIR).

Ini ang ginpahayag ni Lacson sa opisyal nga pagdeklarar kay Roel Degamo bilang nagdaug nga gobernador sa Negros Oriental nagligad nga eleksyon kontra sa malapit nga kasumpong sini nga si Pryde Henry Teves.

Suno kay Lacson handa ang League of Provinces of the Philippines (LPP) sa pagsuporta sa sin-o man nga gobernador sang Negros Oriental.

Dugang pa ni Lacson, dapat lang nga batunon ang anu man nga desisyon sang Comelec ukon korte suprema sa pagkilala sang matuod-tuod nga nagdaug nga kandidato.

Suno kay Lacson nga sang ginpatigayon ang 2nd LPP General Assembly sa syudad sang Koronadal South Cotabato nagligad nga Setyembre 30, isa si Teves sa mga gobernador nga nagtambong kag nag-aprobar sang iya ginpamangkot kun kamusta na ang estado sang NIR.

Nagasalig si Lacson nga suportahan sa gihapon ni Degamo ang pagbuhi sa NIR bangud nagserbe man ini bilang gobernador sang Negros Oriental sang magsugod ang operasyon sang rehiyon sadtong 2015 tubtub 2017.

Nagligad nga Lunes, gindeklarar sang Comelec si Degamo nga amo ang nagdaug sa Negros Oriental gubernatorial race nagligad nga May 2022 elections. | Aksyon Marlon Genovea

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.