Ginpahayag ni Department of Education Division of Bacolod Superintendent Dr. Gladys Amylaine Sales nga handa na sila sa pagbukas sg klase sa Lunes, Setyembre 13.
Suno kay Sales, magapatigayon sa gihapon ang blended distance learning kon diin may adlaw nga makatuon ang mga estudyante online, paagi sa tv kag radyo kag may module.
Dugang pa ni Sales, my gamay lang sila nga ginbag-o sa distribusyon sg module. Kon nagligad nga school year kada semana ang pagpanagtag sang module, himuon na nila ini kada duha ka semana.
Ginpalayag man ni Sales nga may preparasyon man ang mga eskwelahan kon aprubahan ni Presidente Rodrigo Duterte ang face to face classes.
Samtang, ginpahayag naman ni Ian Arnold Arnez, spokesperson sang DepEd sa probinsya, mas mapierde ang kabataan kun indi sila ang naga-answer kag wala gid sila sang may mahibaluan sa pala-abuton.
Dugang ni Arnaez, wala man gina-pwersa ang kabataan kundi pahangpon sang nagakadapat nga himuon paagi sa ginikanan. | Aksyon Eden Aboso