KLASE SA TOBOSO KAG WALO KA BARANGAY SA ESCALANTE SUSPENDIDO SA PEBRERO 23, 2024

Share on facebook
Share on pinterest
Share on twitter
Share on print

Suspendido ang klase sa tanan nga lebel sa mga eskwelahan sa banwa sang Toboso bwas nga adlaw, Pebrero 23.

Sa executive order no. 8 series of 2024 nga ginpagwa ni Toboso Mayor Madonnah Jaojoco, nasaad nga gin suspend ang klase para sa seguridad sang mga kabataan subong man sang mga manunudlo tungod sa natabo nga engkwentro sa Sitio Mansulao, Barangay San Isidro, banwa sang Toboso sang Pebrero 21 kag Barangay Pinapugasan, syudad sang Escalante sang Pebrero 22.

Sa Facebook post, gin anunsiyo man ni Mayor Beboy Yap ang suspension sang klase sa tanan nga lebel sa walo nga barangay sa syudad sang Escalante.

Ang walo ka Barangay ginalakipan sang Libertad, Pinapugasan, Binaguiohan, Paitan, Dian.-ay, Magsaysay, Malasibog kagTamlang.*

What’s your Reaction?
+1
0
+1
0
+1
0
+1
0
+1
0
+1
0
+1
0

ALBEE: BACIWA-PRIMEWATER INDI MABATYAGAN ANG BULIG SA WATER RATIONING SA MGA BARANGAY

Ginpakamalaot ni Bacolod Mayor Albee Benitez ang Baciwa-Primewater nga wala nagabulig sa water rationing nga ginahimo sang syudad sa mga Barangay.

Sa press conference, Lunes, ginpahayag ni Benitez, ang paghatag sang tubig karon sa mga Barangay nga wala sang suplay ang ginahimo pa sang pribado nga sektor kaangay sang Chamber kag Amity, nga indi man nila trabaho.

Suno sa Alkalde, indi karon makit-an ang bulig kag suporta sang Baciwa Primewater karon nga may yara sang krisis sa tubig sa syudad.

Sa sini nga water rationing, nagabulig man ang Manila Water, Red Cross kag opisina ni Councilor Cindy Rojas. | Albee Benitez Photo/FB

What’s your Reaction?
+1
0
+1
0
+1
0
+1
0
+1
0
+1
0
+1
0

PERTUSSIS CASES SA BACOLOD NAGSAKA SA ANUM

Nadugangan pa sang tatlo ka kumpirmado nga kaso sang pertussis ang syudad sang Bacolod.

Bangud sini nagsaka sa anum ang kabug-usan nga kaso sang pertussis sa syudad halin Enero 1 tubtob Abril 6, 2024 nga datus sang Bacolod City Health Office.

Sa report sang Bacolod CHO, nakagwa na sa hospital ang anum ka mga pasyente nga naga edad isa ka tuig panubo.

Duha ka kaso ang na record sa Barangay Tangub samtang tig isa naman sa Barangay Granada, Handumanan, Taculing, kag Villamonte.

May lima naman ka samples ang nag negatibo sa masakit samtang may duha pa ka samples nga pending pa ang resulta sa RITM.

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.