KONSTRUKSYON SANG MAIN BUILDING SANG BACOLOD GENERAL HOSPITAL MAY ISA LAMANG KA BIDDER

Share on facebook
Share on pinterest
Share on twitter
Share on print

Gindeklarar nga lone bidder ang Joint Venture Agreement sang MKU Construction kag Legacy Construction para sa pagtukod sang 250 million nga balor nga main building sang Bacolod City General Hospital.

Nagligad nga Marso 27 sang ginpatigayon sang Bids and Awards Committee ang bidding.

Suno kay Jean Ramos, head sang BAC, ang nasambit lamang nga kompaniya nga napaidalum sa JVA ang nagpasakop sa amo nga bidding.

Dugang pa ni Ramos, 250 million pesos ang Approved Budget for the Contract ukon ABC sang proyekto kag 250 million pesos man ang bid price sang bidder.

Natalana nga magpatigayon ang BAC sang post qualification process.Suno kay Ramos, sa tion nga ma isyu ang notice of award kag sa ulihe notice to proceed, pwede na maumpisahan ang konstruksyon sang proyekto.

Sa nahibaluan, ang pondo sang sini nga proyekto ang gikan sa DOH national kag gin download sa LGU nga amo ang magapatuman sang proyekto.

What’s your Reaction?
+1
0
+1
0
+1
1
+1
0
+1
1
+1
0
+1
0

LALAKI NGA GINREKLAMO NGA NAGAPANAYA KAG NAGAPALUPOK SANG ARMAS, ARESTADO

Nakuhaan sang armas-luthang ang 33 anyos matapos ginserbihan sang search warrant sa banwa sang Binalbagan, Negros Occidental takna las 7:00 sang aga, Marso 27.

Ginkilala ang suspek nga si Honorato Ayco , wala sang trabaho kag residente sang Kauswagan Village, Brgy. Progreso, banwa sang Binalbagan.

Suno kay Police Major Randy Babor, hepe sang Binalbagan PNP, may gintayaan kag ginpalukpan sang armas-luthang si Ayco rason nga ini ang gin-monitor kag ginpasakaan sang reklamo.

Narekober sa balay sang suspek ang isa ka armas nga caliber .38 revolver nga loaded pa sang tatlo ka mga bala.

Si Ayco ang napriso na sadto bangud sa kaso nga estafa apang nakagwa pinaagi sa pagpiyansa.

Priso sa karon qng suspek sa custodial facility sang Binalbagan PNP kag pasakaan sang kaso sa paglapas sang RA 10591 ukon ang Comprehensive Firearms and Ammunition Regulation Act.

What’s your Reaction?
+1
0
+1
0
+1
0
+1
0
+1
0
+1
0
+1
0

LALAKI, PATAY SANG GINTIRO MATAPOS NASAL-AN NGA KONTRA SANG SUSPECT

Patay ang isa ka lalaki matapos masal-an nga amo ang kontra sang suspect sa nagluntad nga shooting incident sa Sitio Kantinakip, Barangay Sikatuna banwa sang Isabela, las 11 kagab-i, Marso 26.

Suno kay Police Captain Arjay Dangarang, hepe sang Isabela PNP, nagalakat ang biktima nga si Randy Labinoy, 39 anyos sa ka sagingan sang hinali nalang nga ginluthang sang wala pa ginhingadlan nga suspetsado gamit ang wala pa mahibaluan nga armas luthang igo sa nawala nga tyan nga amo ang gintunaan sang iya kamatayon.

Sa inisyal nga imbestigasyon sang kapulisan, base sa mga saksi napasibangdan lang si Labinoy nga amo ang kontra sang suspect nga nahibaluan may madugay na nga away.

Palayag ni Dangarang nga dulom ang lugar rason nga lain nga tawo ang naluthangan sang suspect.

Sa karon, padayon pa ang ginapatigayon nga imbestigasyon kag pag pangita sang dugang nga saksi para ma kumpirmar ang identity sg suspect.

What’s your Reaction?
+1
1
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.