LABOR GROUP: NEGOSYANTE NGA NAGAPAMATUK SA WAGE INCREASE PWEDE MAKA FILE SANG PETITION FOR EXEMPTION

Share on facebook
Share on pinterest
Share on twitter
Share on print

Ginpahayag ni General Alliance of Workers Association Secretary General kag RTWPB labor Representative Winnie Sancho nga mahimo pa maka-file sang petition for exemption ang pila ka mga negosyante sa Bacolod kag probinsya matapos ginpasar tinalikdan nga Huebes sang Regional Tripartite Wages and Productivity Board-VI ang 55 pesos tubtob 110 pesos nga saka sa sweldo sa mga empleyado sa Western Visayas.

Suno kay Sancho, sa pihak sang pagpakigbato sang ila grupo nga pasakaan ang sweldo sang mga mamumugon, may pila naman ka mga negosyante ang nagapamatok bangod sa isyu sa pinansyal.

Ginaabi abi man ni Sancho ang reklamo sa diin iya man ginabiso ang pila ka mga negosyante nga mahimo pa sila maka pasa sang petition for exemption sa RTWPB regional office kag sa National Wage and Productivity Board Commission. | Aksyon Alvin Grava

What’s your Reaction?
+1
0
+1
0
+1
0
+1
0
+1
0
+1
0
+1
0

72 KA DEPEKTIBO NGA KILOHAN SA MERKADO SA CADIZ, GINPANGGUBA

Naglab-ot sa 72 ka depektibo nga kilohan sa merkado sa syudad sang Cadiz ang ginpangguba subong nga adlaw, bilang pagtinguha sang lokal nga gobyerno sang syudad nga maproteksyunan ang mga bumalakal batok sa mga nagapangdaya sa kilo nga mga negosyante.

Sa interview sa Aksyon Firing Line, ginpahayag ni Cadiz City Mayor Salvador Escalante nga binulan man ang monitoring sang syudad kasunod sang madamo nga reklamo sa wala na nagasanto’ nga kilo sang ila ginabakal kaangay sang karne kag iban pa.

Gintawag naman ni Escalante nga alarming ang kadamuon sang nakumpiskar nga depektibo nga mga kilohan kag nanawagan sa mga negosyante nga untaton na ang pangpangdaya tungod magapadayon ang syudad agod matapna ang mga ini.

Ang tikang sang syudad may kaangtanan sa ginaselebrar subong nga bulan nga Consumer’s Welfare Month. | Aksyon Ann Defensor-Lisay | via Firing Line | October 4, 2022

What’s your Reaction?
+1
0
+1
0
+1
0
+1
0
+1
0
+1
0
+1
0

DUHA KA LALAKI KAG ISA KA MENOR DE EDAD, NADAKPAN SA BUY-BUST OPERATION SA SILAY

Narekober ang masobra 95,000 pesos nga balor sang ginasuspetsuhan shabu sa buy bust operation sang Silay City PNP sa Sitio Dacutan Dacu, Brgy Mambulac, syudad sang Silay pasado las 2 sang hapon, Oktubre 3.

Ang mga nadakpan amo sanday Myco Galleno, 37 anyos; Jaynel Siason, 19 anyos kag isa ka menor de edad nga lunsay residente sang Sitio Dacutan Dacu, Brgy Mambulac, sa amo man nga syudad.

Suno kay Police Lt. Col. Mark Anthony Darroca, hepe sang Silay City PNP, si Galleno nga isa ka street level individual ang subject sang buy bust operation.

Dugang pa, si Galleno ang Top 6 man sa drugs watchlist sang Silaty City PNP. Nakumpiskar kay Galleno ang siyam ka sachet sang ilegal nga droga kag isa ka sulpak.

Samtang, nakuha naman sa menor de edad ang 5 ka sachet sang ginasuspetsuhan shabu.

Sa kabug-usan, 14 ka gramos sang ginasuspetsuhan shabu ang narekober sang kapulisan nga ginabulubanta nagabalor sang 95,200 pesos. Kaso nga paglapas sa layi nga nagadumili sa pagbaligya kag paghupot sang ilegal nga droga kag paghupot sang ilegal nga armas ang pangatubangon sang tatlo ka mga nagkaladakpan. | Aksyon John Diaz

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.