LACSON GINALANTAW NGA KAKULANG SA KOOPERASYON ANG KABANGDANAN SA PAGDAMO SANG ACTIVE COVID-19 CASES

Share on facebook
Share on google
Share on pinterest
Share on twitter
Share on print

Kakulang sang kooperasyon sang publiko ang isa sa ginalantaw nga rason ni Governor Bong Lacson , kun ngaa nagapadayon ang pagdamo sang aktibo nga kaso sang COVID-19 sa Negros Occidental.

Suno sa gobernador, liwat naman nga nagbalik ang sunod sunod nga pagsaka sa kadamuon sang COVID-19 active cases.

Dugang pa ni Lacson nga sang siya ang magpauli sa syudad sang San Carlos, may mga lugar siya nga nalabayan sa nabukid nga kabarangayan nga may mga tawo nga wala nagasuksuk sang face mask.

Bangud sini natalana nga mag-isyu sang memorandum ang gobernador address sa mga lugar nga may madamo nga kaso sang COVID-19, agud ipatuman ang mas istrikto nga health kag safety protocols.

Samtang, ginkalipay ni Lacson ang amat-amat nga pagsanyog sang COVID-19 vaccination compliance sa Negros Occidental.

Suno kay Lacson daku ang nabulig sang memorandum order nga iya gin isyu sang Hunyo 15, 2021, angot sa mga pagsulundan sa COVID-19 vaccination roll-out sa mga local government units (LGUs).

Apang ginklaro sang gobernador nga kinahanglan pa ang mas plastado kag madasig nga vaccination.

Ini agud malab-ot ang ginatarget nga 70% sa populasyon sang probinsiya nga mabakunahan kontra COVID-19.

Sa karon suno sa gobernador, unahon anay panagtag sa mga LGUs ang nabilin nga Sinovac vaccines, antis gamiton ang Pfizer. Dugang pa ni Lacson, ginpasalig sang gobyerno nasyonal nga mas madamo nga bakuna ang magaabot sa probinsiya sa bulan sang Agusto subong nga tuig.| Aksyon Marlon Genovea

NEGROS OCCIDENTAL NAKARECORD SANG MANUBO NGA ACTIVE COVID-19 CASES SANG ISA KA SEMANA

Isa ka semana nga nakarekord ang Negros Occidental sang sunod sunod nga pagnubo sa aktibo nga kaso sang coronavirus disease (COVID-19).

Sa datos sang Provincial Incident Management Team (PIMT), nag umpisa ang pagnubo sang Hulyo 21, 2021 sa diin ang kaso naglab-ot sa 1,613 halin sa 1,623 sang Hulyo 20.

Ini ang nagpadayon sa sulod sang pito ka adlaw tubtub nga nangin 1,349 na lamang sang Hulyo 27.

Ginpahayag ni Provincial Administrator Atty. Rayfrando Diaz II, nagnubo naman ang occupancy rate sang mga district hospital sa probinsiya.

Nagapati si Diaz nga resulta ini sang mass vaccination nga ginpatigayon kontra COVID-19. | Aksyon Marlon Genovea

KAPIN 2K KA BACOLODNON NAKA AVAIL SANG DOLE-TUPAD PROGRAM HUMALIN ENERO TUBTOB HUNYO 2021

Kapin 2,000 na ka mga Bacolodnon ang nangin benepisyaryo sang Emergency Employment Assistance Program/DOLE-TUPAD Program humalin Enero tubtob Hunyo 2021.

Suno kay Congressman Greg Gasataya, nagsumiter na sila sang suhestyon sa DOLE sa mga Barangay nga ipatuman ang ini nga programa para sa kapin 3,000 ka mga Bacolodnon para sa bulan sang Hulyo tubtob Septembre 2021.

Ini nga programa ang para sa mga disadvantaged ukon displaced workers nga magatrabaho sa Barangay sa sulod sang 10 ka adlaw kag magabaton sang 3,950.

Ginpaathag ni Gasataya nga ila trabaho nga masiguro nga may yara sang pondo para sa mga benipesyaryo samtang ang Barangay amo ang magapili bangud sila ang mas nakahibalo kon sin-o ang nagakinahanglan.

Subong nga adlaw, Hulyo 28, nagbaton sang tig-3,950 ang mga benepisyaryo sang DOLE Tupad Program sa Barangays 37, 21 kag 40.

MORE STORIES:

LIKE US ON FB

error: Ooops... You are not authorized to copy this content.