MENU

LACSON GINTUGYAN SA GOBYERNO NASYONAL ANG COVID-19 ALERT LEVEL SANG PROBINSYA

  • at 4:41 pm
Share on facebook
Share on pinterest
Share on twitter
Share on print

Ginatugyan ni Governor Bong Lacson sa gobyerno nasyonal ang pagdesisyon angot sa COVID-19 alert level classification sa Negros Occidental.

Suno kay Provincial Administrator Atty. Rayfrando Diaz , indi na istrikto ang mga ginapatuman nga health kag safety protocols sa probinsiya gani nakadesisyon ang gobernador nga ikonsiderar na lamang kun anu ang mangin desisyon sang gobyerno nasyonal.

Apang ginpanawagan ni Diaz sa mga Negrense nga maghalong bangud nagapabilin sa gihapon ang kaso sang COVID-19.

Sa datos sang Provincial Incident Management Team (PIMT) tubtub Nobyembre 17, 2022, ang Negros Occidental ang may 262 ka Covid-19 active cases.

Sa karon madamo sang mga banwa kag syudad sa Negros Occidental ang nagpanubo sang ila classification sa alert level 1, samtang ang iban nga lugar ang nagapabilin sa alert level 2. | Aksyon Marlon Genovea

What’s your Reaction?
+1
0
+1
0
+1
0
+1
0
+1
0
+1
0
+1
0

SALANGA GINDESIGNAR NGA ACTING MAYOR SANG TATLO KA ADLAW

December 6, 2023

Gin designar si Councilor Israel Salanga bilang acting mayor sang syudad sang Bacolod sang tatlo ka adlaw.

Base sa memorandum nga gin isyu ni Mayor Albee Benitez, acting Mayor si Salanga sa Disyembre 5 tubtob 7, 2023.

Si Vice Mayor El Cid Familiaran naman ang magaserbe nga acting Mayor sa Disyembre 8, 2023.

Suno kay Salanga, nagdululungan ang mga aktibidades sang mga opisyal kaangay sang Philippine Councilors League assembly kag nagkadto si Familiaran sa Manila para sa Local Legislative Awards 2023.

Ginpahayag sang konsehal,

Suno sa konsehal, wala man sang importante nga mga butang nga gin bilin ang alkalde.

Si Benitez ang nagbyahe sa Macau, China para sa pagsinapol sang Regional Development Council.

Ini na ang ikaduha nga tion nga gin designar ni Benitez si Salanga bilang acting mayor.

What’s your Reaction?
+1
0
+1
1
+1
0
+1
0
+1
0
+1
0
+1
0

DSB PNP MAY PANUGYAN SA MGA DRIVER MATAPOS ANG TRAHEDYA SA ANTIQUE

December 6, 2023

Nagpahanumdum sa publiko ang Don Salvador Benedicto PNP nga dapat yara sa maayo nga kondisyon ang ila nga mga salakyan kun magbyahe sa mga talakladon nga lugar.

Suno kay Police Major Rey Tolosa, hepe sang DSB PNP, kalabanan sa mga salakyan nga nagalabay sa banwa mga dalagko nga salakyan kag long distance ang byahe.

Aminado si Tolosa nga may nagaluntad nga aksidente nakaligad nga binulan ilabi na sa mga likuan kag talakladon nga dalan bangud indi sunado sang iban nga drivers ang dalanon.

Panugyan ni Tolosa, dapat kondisyon man ang driver agud makatutok sa pagmaneho kag maghinay gid sa pagpadalagan ilabi na kun bag-o lang nakalabay sa lugar.

Ang DSB PNP kag Land Transportation Office (LTO) ang masami nga nagapatigayon sang information dessimination campaign kag operations agud mabuligan ang mga motorista nga malikaw sa aksidente.

Nahibaloan, 17 ang patay, pito ang kritikal kag apat ka mga persona na ang yara sa istable nga kondisyon bangud sang natabo nga aksidente sa Hamtic, Antique.

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.