Nagapati si Negros Occidental Governor Bong Lacson nga daku ang nabulig sang bakuna sa pagpahagan-hagan sang kaso sang COVID-19.
Ini ang ginpahayag ni Lacson sa ulihi nga datos sang Provincial Incident Management Team (PIMT), nagapakita nga sobra na sa isa ka gatos ang COVID-19 active cases.
Suno kay Lacson nagsaka gid man ang kaso apang diutay lang ang nagadugang sa kada adlaw kag kalabanan sa mga nagapositibo ang may kasarangan lamang nga sintomas nga ginabatyag bangud sa pagpabakuna.
Dugang pa sang gobernador, kadam-an sa mga pasyente ang madasig nga naga-ayu kag sa puluy-an na lamang nagapaidalom sa quarantine. | Aksyon Marlon Genovea