LALAKI, GINAPATIHAN GIN ABDUCT SA SYUDAD SANG BAGO

Share on facebook
Share on google
Share on pinterest
Share on twitter
Share on print

Gin-abduct sang wala pa makilal-an nga mga persona ang isa ka 33 anyos nga lalaki sa Purok Margarita, Brgy. Abuanan, syudad sang Bago kaina sang aga, Martes.

Ang biktima ginkilala kay Johnson Garfil, 33 anyos, nga positibo naman ginkilala sang iya iloy base sa nakita nga motorsiklo, helmet, sapatos kag ID.

Suno kay Bago City PNP Chief of Police, Lt. Col. Joem Malong, masugat kun tani si Garfil sa iya manghod sa Barangay Sum-ag, syudad sang Bacolod apang gin alegar nga ginsunod ini sang duha ka motorsiklo, ginpapundo kag sila ang nag-istoryahanay.

Gulpi nalang nga ginpasakay sa isa ka Toyota Innova nga puti si Garfil kag ginbiyahe padulong sa Barangay Sum-ag. Suno kay Malong, ginabulubanta apat ka mga suspetsado ang nag-abduct kay Garfil.

May tatlo ka mga saksi nga nakakita sang pag-abduct kay Garfil apang wala nila nakit-an ang nawong sang mga suspetsado.

Nagapadayon pa ang imbestigasyon sang kapulisan sa amo nga kaso.

Nagapanawagan ang ginikanan sang gin-abduct nga lalaki sa mga suspetsado nga ibalik nga buhi ang ila nga bata.

Sa interview ni Gemma Garfil, iloy ang biktima, wala man sang kontra ang iya nga bata kag wala man sang barkada nga imbolbado sa malain nga hilikuton.

Suno pa sa iloy, wala man sila nakahibalo kun sin-o ang may tuyo nga malain sa ila nga himata.

Aminado naman si Garfil nga sadto may kaso nga ginapangatubang ang iya nga bata apang naserbisyuhan na sini ang penalidad kag manugtapos na ang hearing sang kaso.

Nagahingyo ang Pamilya sa mga nakakita ukon nakahibalo sang lokasyon sang ila nga bata nga magpakig-angut sa kapulisan. | Aksyon John Diaz

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.