LALAKI GINHOLDAP KAG GINBUNO, PILASON

Share on facebook
Share on google
Share on pinterest
Share on twitter
Share on print

Pilas sa liog ang naangkon sang isa ka nagdeliver sang softdrinks sang ini gintuyo holdapon sa Santa Catalina Subdivision, Phase 3, Barangay Lag-asan, Syudad sang Bago.

Ang biktima ginkilala kay Joemar Cortez, 41 anyos kag nagapuyo sa Purok Balungay, Barangay Poblacion sa amo man nga Syudad.

Sa panaysayon sang biktima sa Bago PNP, naga-ilis siya sang goma sang iya ginamaneho nga salakyan nga puno sang softdrinks sang gintayaan sang kutsilyo sang suspetsado kag nagdeklara sang hold-up dala kuha sang iya sling bag nga may unod sang kwarta.

Dugang pa sa imbestigasyon, gin-isip sang suspetsado ang kwarta sa iya sling bag kag nakatiyempo ini nga agawon liwat apang didto na nga ginbuno ini siya sang isa pa ka suspetsado kag nagpalagyo dala ang kwarta.

Padayon pa ang pagkilala sa mga suspetsado.  | Aksyob Bryan Morden

What’s your Reaction?
+1
0
+1
0
+1
0
+1
0
+1
0
+1
0
+1
0

QUARANTINE CENTER PARA SA MGA NAGABUSONG GINBUKSAN SA BACOLOD

Liwat nga gin buksan sang lokal nga panguluhan sa syudad sang Bacolod ang Graciano Lopez Jaena Elementary School sa Brgy 31 bilang quarantine facility para sa mga kababainhan nga naga busong kag bag-o lamang naka bata.

Suno kay Councilor Renecito Novero chairman sang Quarantine Center Action Team ukon QCAT, ini nga lihok ang kabahin sang aksyon nga ginhimo sang syudad kasunod sang liwat nga pagtaas sang kaso sa COVID 19. 

Dugang pa ni Novero, natalana man nga maga patigayon sang meeting ang iya komitiba sa mga principal sang 9 ka mga buluthuan sa palaabuton nga Martes agud talakayon ang prepasyon sang amo nga mga lugar enkaso nga kinahanglanon pa sang syudad ang dugang nga mga pasilidad sa palaabuton. | Aksyon Art Tayhopon

What’s your Reaction?
+1
0
+1
0
+1
0
+1
0
+1
0
+1
0
+1
0

TASK FORCE: WALA NA SANG NABILIN NGA BACKLOG SA MGA BASURA

Ginklaro ni Task Force Basura action officer Wilfredo Taba Geolingo nga wala na sang nabilin nga backlog sa mga basura nga sadto wala ma hakot sang garbage collector nga IPM pagkatapos sang holiday celebration kag pag igo sang bagyo Odette.

Suno kay Geolingo, paagi sa action center nga gin pahamtang sa talatapan sang Department of Public Services ukon DPS, tanan nga mga reklamo nga ila nabaton gikan sa mga pumuluyo sang syudad ang tigayon na nga na kolekta.

Dugang pa na Geolingo, gin dugangan man sang IPM ang ila mga salakyan kag operasyon nga naglab-ot sa isa ka gatos ka trip kada adlaw.

Sa pihak nga bahin, madamo na nga mga indibidwal sa Bacolod ang tigayon nga nadakpan sang task force basura nga naga pasaway apang ini sila ang wala pa gin papanaugan sang penalidad sa baylo gin hatagan lamang sang naga kaigo nga paandam. | Aksyon Art Tayhopon

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.