LALAKI GINLAMPUSAN SANG MARTILYO SA GWA SANG VIDEOKE BAR, PILASON

Share on facebook
Share on pinterest
Share on twitter
Share on print

Pilason ang isa ka lalaki matapos ginlampusan sang martilyo sa gwa sang isa ka videoke bar sa Purok 2, Barangay Daug, banwa sang Hinoba-an, pasado las 11 kagab-e, Enero 17.

Ang biktima ang ginkilala kay Charlie Leyte, 48 anyos samtang ang suspetsado naman ang ginkilala kay Jose Gebolingo, 30 anyos kag pareho nga residente sang Barangay Daug, sa amo man nga banwa.

Sa inisyal nga imbestigasyon sang Hinobaan PNP, nagapungko lamang sa gwa sang bar si Leyte sang ginpalapitan ni Gebolingo kag gulpi lang ginmartilyo sa ulo.

Sa karun, padayon pa nga ginabulon sa ospital si Leyte samtang na priso naman sa custodial facility sang Hinobaan Municipal Police Station si Gebolingo. | Aksyon John Diaz

What’s your Reaction?
+1
0
+1
0
+1
0
+1
0
+1
0
+1
0
+1
0

PASTRANA NAGKLARO NGA INDI MATUOD NGA IMBOLBADO SA DROGA ANG PULIS NGA NALAKIP SA 22 KA NGALAN NGA GINAAKUSAR

Ginkumpirmar ni Captain Jonito Pastrana, hepe sang Police Station 2, nga isa ka ngalan sang pulis nga alyas RR ang nalakip sa listahan nga gina akusar nga konektado sa droga.

Madumduman, ang alyas nga RR ang nalakip sa 22 ka mga ngalan nga gina akusahan nga pusher ukon protektor sang droga nga nakita kaupod sa duha ka utod nga kamot sa Purok Kagaykay, Barangay 2.

Suno kay Pastrana, iya ginakabig nga labugay lamang ang listahan bangud iya personal nga kilala si RR nga sadto corporal ang ranggo kag karon na promote bilang Staff Sergeant.

Ginpahayag sang hepe, nga bisan ang mga kaupdanan nga pulis ni RR ang makahatag sang testimoniya nga indi ini imbolbado sa iligal nga droga.

Ginkumpirmar ni Pastrana nga si RR karon ang naga schooling kag nakadakop sang tatlo ka drug personality nga nalakip man sa amo nga listahan.

Samtang, wala na sang may nagdugang nga persona nga yara man sa listahan ang nagdangop sa Barangay kag Police Station 2.

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.