LALAKI, NAGLUMPAT SA BAYBAY SA DRUG BUY-BUST; SUBJECT SANG OPERASYON, NADAKPAN

Share on facebook
Share on google
Share on pinterest
Share on twitter
Share on print

Dakop ang isa ka persona samtang isa naman ang nakapalagyo sa buy-bust operation sang Bacolod City Police Station 2 sa Purok Kagaykay, Brgy. 2 syudad sang Bacolod kaina sang hapon, Hwebes.

Ang nadakpan nga subject sang buy-bust operation ang ginkilala kay Newsan Nipunan, 32 anyos.

Suno kay Police Station 2 Officer-in-Charge Police Captain Paul Vincent Pendon, senimana na nga ginamonitor si Nipunan matapos madiskubrihan nga konektado ini sa persona nga nadakpan man sang kapulisan tinalikdan nga semana.

Si Nipunan ang nadakpan man sang Philippine Drug Enforcement Agency bangud sa paggamit sang shabu sadtong bulan sang Abril 2019 apang nakagwa sa prisuhan sang tuig 2020.

Narekober sa buy bust operation ang 12 ka sachet sang ginasuspetsuhan shabu nga nagabug-at sang anum ka gramos kag nagabili sang masobra 40 mil ka pesos, 500 pesos nga buy bust money kag kahita.

Samtang, nakapalagyo naman paagi sa paglumpat sa baybayon nga sakop sang Reclamation Area si Luiz Zumbilla, legal ang edad.

Nagpatigayon pa sang hot pursuit operation ang kapulisan sang Police Station 2 kag kapulisan sang Bacolod Maritime Command apang wala makita si Zumbilla.

Priso karun si Nipunan sa custodial facility sang Police Station 2 para sa nagakaigo nga disposisyon. | Aksyon John Diaz

What’s your Reaction?
+1
2
+1
0
+1
0
+1
0
+1
0
+1
0
+1
4

MORE STORIES:

LIKE US ON FACEBOOK

error: Ooops... You are not authorized to copy this content.