MENU

LALAKI, NAKUHAAN SANG 34K NGA DROGA SA BRGY. 2, BACOLOD

  • at 10:45 pm
Share on facebook
Share on google
Share on pinterest
Share on twitter
Share on print

Nadakpan ang isa ka street level individual (SLI) sa drug buy bust operation sang Bacolod City Police Station 2 mga ala 1:41 sang hapon,Agosto 6 , 2022 sa Prk.Sigay, Brgy.2 , Bacolod City.

Ang nadakpan amu si Jessmar Austria alyas Baba, 24 anyos kag residente sang Prk.Pablo Torre, Brgy.Vista Alegre syudad sang Bacolod.

Suno kay Police Lieutenant Jovito Pastrana, Deputy station Commander sang Police station 2 nga nagapangayaw lang ang suspek sa lugar sang ini ang nadakpan  kag wala man sang pending ukon previous case.

Narekober sa suspek ang duha ka sachet nga shabu ,may kabug-aton nga 5 gramos kag nagabalor  sang 34, 000 pesos.

Sa karon yara na nahunong ang suspetsado sa pasilidad sang Police station 2. | Aksyon Zil Menardo

What’s your Reaction?
+1
0
+1
0
+1
0
+1
0
+1
0
+1
0
+1
0

BACOLOD CDRRMO NAGPANGABAY SANG DUGANG NGA PERSONNEL PARA SA DECLOGGING TEAM

August 6, 2022

Nag request na sang dugang nga mga personnel para sa declogging team ang CDDRMO sa syudad sang Bacolod.

Suno kay incoming Executive Assistant kag CDRRMO cluster head Aaron Bais, tigayon na sini nga napa lab-ot ang amo nga concern sa City Administrator kag iya na lamang gina hulat ang pag akto sang Alkalde.

Dugang pa ni Bais, may yara lamang sa karon sang 8 man team nga naga duty sa ila talatapan nga amo ang naga tutok sa amo nga operasyon.

Suno pa kay Bais, naga padayon na sa karon ang ila declogging operation sa mga drainage system kag pila ka mga water ways sa palibot sang syudad nga masami naga taas ang tubig sa tagsa nga magtupa ang madamol nga ulan.

Samtang, plano ni Bais nga magpatigayon sang modification sa water level alert warning system sa palaabuton.

Suno kay Bais, luyag sini nga mismo sa tagsa ka mga komunidad ipahamtang ang color coded warning signages para sa komprehensibo nga sistema kag aksyon nga himuon sa palabuton.

Dugang ni Bais, kinahanglanon man sini ang kooperasyon kag suporta sang tagsa ka mga Barangay angut sa tuyo sini nga magpatigayon sang training kag information and education campaign.

Naga pati man ini nga may yara sang naga kaigo nga pondo ilabi na ang ang dalagko nga mga Barangay para sa amo nga programa, samtang gina dihon pa sang syudad ang medium kag long term solution angut sa problema sang baha.

| Aksyon Art Tayhopon

What’s your Reaction?
+1
0
+1
0
+1
0
+1
0
+1
0
+1
0
+1
1

56 KA BAG-O NGA MARKET STALLS SA NEGROS FIRST FOOD TERMINAL PAGABUKSAN SA AGUSTO 15

August 6, 2022

Pagabuksan na sa maabot nga Agusto 15 ang 56 ka mga market stalls sa bag-o nga Negros First Food Terminal (NFFT) sa dalan North Capitol kag San Juan syudad sang Bacolod.

Ini matapos magpirmahanay sang kontrata ang mga naga-renta kag gobyerno probinsiyal nagligad nga Agusto 3.

Ginsugdan ang pagtukod sang NFFT sang tion ni anay Governor Alfrero Marañon Jr. paagi sa pondo nga gin-loan sang gobyerno probinsiyal sa Land Bank of the Philippines. Ang operasyon sini ang napaidalom sa Economic Enterprise Development Department (EEDD).

Ini ang may duha ka panalgan nga estraktura, may function kag conference rooms para sa mga meetings kag small gatherings sang gobyerno kag pribado nga sektor.

Sa maabot nga Agusto 23, magabukas man ang meat, poultry, fruit, vegetable kag dry goods section, samtang Setyembre 7 naman ang tulahan kitchen. | Aksyon Marlon Genovea

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.