LALAKI NGA GIN FRATERNITY HAZING SA ADLAW SANG IYA BIRTHDAY, GINBAWIAN SANG KABUHI

Share on facebook
Share on pinterest
Share on twitter
Share on print
(San Enrique PNP Photo)

Ginbawian sang kabuhi ang 18 anyos nga lalaki matapos nga gin paddle sa gin-alegar hazing sang isa ka Fraternity sa Barangay Guintorilan, banwa sang San Enrique.

Ginkilala ang biktima nga si Mark Lester Miranda, 18 anyos, nga nagsaulog sang iya kaadlawan nagligad nga Setyembre 3 kag sa amo man nga adlaw natabo ang hazing incident.

Sa interview sa Aksyon Hotline, ginpahayag ni San Enrique MPS Deputy Chief of Police Lt. Sammy Gasataya, Marso 2021 sang gin-recruit si Miranda sa Fraternity apang wala nadayon bangud 17 anyos palamang ini ukon menor de edad.

Nagligad nga Setyembre 3 nagsaulog sang kaadlawan ang biktima kag nagtambong man ang ginakabig persons of interest matapos nga liwat nga gin recruit si Miranda.

Nagapakita sa imbestigasyon, nga antes ginbawian sang kabuhi ang biktima sang Setyembre 9,  nakapanugid pa ini sa iya iloy nga pagkatapos saulog sang iya kaadlawan, nag upod ini sa nag recruit sa iya.

Suno kay Gasataya, base sa palayag sang iloy, ginpahayag sang iya anak nga naka-blindfold ini kag gindala sa lugar nga wala niya mahibaloan kag ginpaidalum sa initiation rites.  

Setyembre 11 na sang narecord sa San Enrique PNP ang insidente.

Sa karun, nagapadayon pa ang imbestigasyon sang kapulisan sa nasambit nga insidente kag pag usisa sa mga persona nga posible pasakaan sang kaso nga Anti-Hazing Law.

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.