LALAKI NGA GINALEGAR NANGAWAT SANG MANOK NAKASTIGUHAN, PILASON

Share on facebook
Share on pinterest
Share on twitter
Share on print

Pilason ang 19-anyos nga lalaki matapos madakpan nga nangawat sang inugbulang nga manok kag ginkastigo sang mga tambay sa sa Purok Makiangayon 2 Brgy. Balintawak syudad sang Escalante pasado las 11 sang gab-i, Lunes, Disyembre 4.

Ginkilala ang nadakpan nga si Jomar Balasan, wala sang trabaho samtang ang biktima ginkilala sa kay Felix Sante, 70-anyos kag lunsay residente sang nasambit nga lugar.

Suno sa kay Police Major John Ganzon ang hepe sang Escalante City PNP, ginsulod ni Balasan ang manokanni Sante kag ginkuha ang duha ka mga manok nga nagabalor sang 5,000 pesos ang kada isa apang nakita ni Sante kag ginhawiran si Balasan apang nakapalagyo.

Gilayon nga nakapangayo sang bulig si Sante kag nadakpan ang suspek kag nakastiguhan sang pumuluyo kag nakaagom sang mga bukol sa ulo kag pilas sa lawas.

Palayag ni Ganzon nga si Balasan ang may record na nga pagpangawat sang menor de edad pa lamang.

Ginahulat pa sang Escalante PNP ang biktima kon desidido nga magpasaka sang reklamo.

What’s your Reaction?
+1
0
+1
0
+1
1
+1
0
+1
0
+1
0
+1
0

ANAY PRESO NGA GINALEGAR NAGBATO SA KAPULISAN NALUTHANGAN, PATAY

Patay ang 45 anyos nga lalaki kag anay priso matapos nagbato sa kapulisan pinaagi sa pagpalupok sang armas-luthang sa Sitio Tugbungan, Barangay II, banwa sang Hinigaran, Negros Occidental , Sabado, Pebrero 24, 2024.


Ginkilala ang napatay nga si Alladin “Doydoy” Palcotan, wala sang trabaho, residente sang Brgy. Araal ,syudad sang La Carlota, kag person of interest sa pagbuno sa abyan sini nga si Eduard Acupan, 38-anyos.

Suno kay Police Major Clifford Batadhay, hepe sang Hinigaran Municipal Police Station, matapos makabaton sang impormasyon nga may yara sang stabbing incident gilayon nga nagresponde ang kapulisan.

Base sa imbestigasyon, ginbuno ni Palcotan si Acupan nga nakaangkon sang buno sa nawala nga tiyan matapos nagbaisay ang duha.

Nag negosyar pa ang kapulisan kay Palcotan bangud ini ang nagpabilin sa sulod- balay sang biktima kag may dala nga armas luthang.

Palayag ni Batadhay , nagdesisyon sila nga i-suffocate si Palcotan gamit ang fire extinguisher sang makapila ka beses apang nagapalupok ini batuk sa kapulisan.

Dugang pa, pag-abot sang 61st Special Action Force (SAF), nagbriefing ang mga ini kaupod ang kapulisan kag nadesisyonan nga sudlon nalang ang balay ni Acupan agud ma-neutralize si Palcotan.

Nakaangkon sang pilas si Palcotan matapos natiruhan kag ginhingagaw pa dala sa ospital apang gindeklarar nga dead-on-arrival.

Nahibaluan nga ang duha ka imbolbado ang mag-abyan kag bag-o lang naka gwa halin sa sulod sang prisohan.

What’s your Reaction?
+1
0
+1
0
+1
0
+1
0
+1
0
+1
0
+1
0

PROTESTA KONTRA CHARTER CHANGE, GINPATIGAYON

Nagprotesta ang pila ka mga personalidad sa Negros Occidental kontta sa ginaduso nga charter change (chacha) kadungan sa ika-38 nga komemorasyon sang Edsa People Power kahapon Pebrero 25, 2024.

Ini ang ginpamunuan nanday Most Rev. Gerardo Alminaza, obispo sang Diocese of San Carlos kag anay Governor Rafael Coscolluela.

Kapin 700 ka mga indibidwal halin sa multi-sectoral nga grupo ang nag-martsa halin sa Lagoon pakadto sa dalan Gonzaga atubang sang BCGC replica.

Suno kay Alminaza, imbes nga chacha, dapat tutukan sang mga lideres sang nasyon ang peacebuilding kag sulbaron ang armed conflict.

Dugang pa sang obispo, ang People’s Coalition for Democracy Negros ang nagapanawagan man sa mga Filipino nga ibasura ang anu man nga agenda sang chacha kag ipabilin ang legasiya sang people power.

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.