LALAKI NGA NAG MAOY, NATIRUHAN SANG KAPITAN SA BANWA SANG ISABELA

Share on facebook
Share on google
Share on pinterest
Share on twitter
Share on print

Pilason ang isa ka lalaki nga ginapatihan may diperensya sa paminsaron matapos matiruhan sang kapitan sa Zone 3, Brgy. Tinongan, banwa sang Isabela, takna las 9 kaina sang aga, Hwebes.

Ginkilala ang biktima nga si Ramil Cardona, 38 anyos, residente sang nasambit nga lugar nga ginreklamo nga nag maoy sa lugar.

Suno kay Captain Joseph Partidas, hepe sang Isabela PNP, nagpadulong si Kapitan Eugenio Sambrona sa lugar kag nakita nga nagsulod ang biktima sa iya balay pero nagkuha sang patalom.

Dugang pa ni Partidas, gin atake ni Cardona si Kapitan, rason nga nagdesisyon si Sambrona nga tiruhon ini sa duha ka tiil bangud ini ang agresibo.

Gamit sang kapitan ang .45 caliber nga pistol kag ini ang lisensyado.

Ginklaro ni Partidas nga wala nakainom si Cardona sang natabo ang insidente pero may record na nga masami nga nagamaoy.

Ginpahayag sang hepe, nga nagpasiguro si Sambrona nga bayaran ang hospital bill sang biktima matapos na istorya ang pamilya ni Cardona.

Gindala si Cardona sa Isabela District Hospital pero ginsaylo sa CLMMRH sa syudad sang Bacolod.

What’s your Reaction?
+1
0
+1
0
+1
0
+1
0
+1
0
+1
0
+1
0

GRUPO SANG NEGOSYANTE GINADUSO ANG PAGTUKOD SANG BACOLOD BUSINESS COUNCIL

Gina lauman sang mga negosyante nga iga konsiderar ni Mayor Albee Benitez ang ila hinyo nga magtukod sang Bacolod Business Council nga amo ang maga talakay sang ila luyag ipalab-ot nga mga concern.

Suno kay MBCCI Chief Executive Office Frank Carbon, ini nga proposal ang ila gin paagi sa spokesman sang Alkalde nga si Atty. Bong Dilag.

Dugang pa ni Carbon, ini nga lihok ang naga tuyo nga maka patigayon sang regular nga meeting ang ila hanay upod Alkalde angut sa recovery plan nga mahimo mabulig sang lokal nga gobiyerno.

Suno pa kay Carbon, sa pihak nga na mintinar sang syudad ang alert level status sini kon COVID 19 ang paga hambalan, wala nila sa gihapon ma batyagan ang omento sa dalagan sang negosyo bangud man sang naga padayon nga presyo sang gatong, kuryente kag mga balaklon sa merkado. | Aksyon Art Tayhopon

What’s your Reaction?
+1
0
+1
0
+1
0
+1
0
+1
0
+1
0
+1
0

22 ANYOS NGA LALAKI, NADAKPAN SA BUY-BUST OPERATION SA BRGY. MANSILINGAN

Naaresto ang isa ka Newly identified nga drug personality sa drug buy-bust operation sang Bacolod City Police Station 7 sa Prk.Kabugwason , Brgy.Mansilingan syudad sang Bacolod subong nga hapon, Sabado.

Ang nadakpan amu si Aldrin Jarabelo alyas Boy-boy, 22 anyos, wala sang trabaho kag residente sang nasambit nga lugar.

Aminado ang suspek nga nagabaligya kag naga gamit ini sang iligal nga droga.

Narekober sa suspek ang lima (5) ka sachets nga shabu may kabug-aton nga 12 gramos kag nagabalor 81,600 pesos.

Ang suspek magapangatubang sang kaso sa paglapas sang RA 9165 Sec.5 kag 11.

Sa karon yara nahunong ang suspetsado sa pasilidad sang Police station 7. | Aksyon Zil Menardo

What’s your Reaction?
+1
2
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.