LALAKI NGA NAHULOG SA RORO, NARESCUE

Share on facebook
Share on google
Share on pinterest
Share on twitter
Share on print

Ginpasalamatan ni Michael John Balsomo, 28 anyos, residente sg Brgy Balicotoc banwa sg Ilog bangud ini gin rescue sg apat ka mga mangingisda nga taga Brgy Pta Taytay matapos nag-alegar nga nahulog sa Roll On Roll Off vessel.

Suno kay Balsomo, mga isa ka oras na ang byahe sg RoRo sg nag desisyon ini nga mag pahangin kag suno sa iya basa ang salog rason nga nadanlog kag nahulog gikan sa barko.

Dugang pa, indi kabalo maglangoy si Balsomo apang napaminsaran sini nga magkalma kag magpalutaw lutaw tubtob las 6 sang gab-i sg nakit-an sg mga mangingisda.

Suno kay Romy Palomo, isa sa mangingisda nga lapsi na sg nakita nila si Balsomo rason nga ginpakaon sa ila bangka samtang ginabyahe pabalik sa baybayon sg Pta taytay nga 30 minutos ang kalayuon.

Sa karon, temporaryo nagatiner sa Police Station 9 si Balsomo samtang ginahulat ang iya pamilya kag ginbuligan naman sg mga katapo sg Philippine Coast Guard agud makuha ang iya mga kagamitan nga nabilin sa barko. | Aksyon Eden Aboso

What’s your Reaction?
+1
0
+1
0
+1
0
+1
0
+1
0
+1
0
+1
3

PILA KA PROGRESIBO NGA GRUPO INDI PAGKILALAHON BILANG LEADER ANG BBM-SARA

Ginpahayag sang pila ka progresibo nga grupo nga nabase dire sa probinsya sg Negros Occidental nga indi nila pagkilalahon bilang leader sang Pilipinas sanday incoming President Ferdinand Bongbong Marcos Jr. kag Vice President Sara Duterte.

Suno kay Noli Rosales, secretary-general sg Kilusang Mayo Uno, ila ginahangkat ang mga mapungko nga opisyal nga hatagan kasolbaran ang problema sg Pilipinas apang ila ginapamangkot kon paano ini masolusyunan bangud nagapati sila nga wala man sila sg kapasidad nga makahatag solusyon sa krisis nga ginapangatubang sang Pilipinas bangud ang ila interes amo ang mapadamo ang ila manggad.

Dugang pa, ginahandaan man nila ang red-tagging ilabi na nga indi sila maghipos sa pagkwestyon, pagbantay kag hibaluon ang dapat hibaluon sa idalom sang ila administrasyon.

Sa record sang progresibo nga grupo, ila gin-alegar nga ang isla sg Negros isa na ka “killing field” bangud sa idalom sg administrasyon ni Presidente Rodrigo Duterte, naglambot na sa 105 ang kaso sg extrajudicial killings sa probinsya.

Nagapati ang grupo nga nagdaog ang BBM-Sara bangud sa sala nga mga impormasyon, red-tagging, suppression sg oposisyon kag massive electoral fraud. | Aksyon Eden Aboso

What’s your Reaction?
+1
0
+1
0
+1
2
+1
0
+1
0
+1
0
+1
0

PINAKAUNA NGA EXECUTIVE ORDER NI BENITEZ AMO ANG PAGTUKOD SANG TRUTH COMMISSION – INCOMING CITY ADMINISTRATOR

Ginpahayag ni incoming City Administrator Atty. Pacifico “Boyet” Maghari III, nga ang truth commission ang pagabug-usan sang tatlo ka mga miembro.

Ginpahayag ni Maghari, nga natalana mag papanaug si Mayor-elect Albee Benitez sang pinakauna sini nga Executive Order nga nagatukod sang amo nga komisyon nga posible magwa sa Hulyo 1.

Ginkumpirmar ni Maghari nga ang komisyon ang pamunuan ni incoming City Legal Officer Romeo Carlos Ting Jr., siya bilang City Administrator kag isa pa ka wala mahingadlan.

Suno kay Maghari, maga kuha man sila sang consultants kag resource persons nga magagiya sa Truth Commission kag para mapatuman ang mga function sini base sa mando sang Alkalde.

Ginklaro ni retired state auditor Marilou Reyes, nga indi pa siya miembro sang Truth Commission bangud ini ang pagabug-usan sang organic nga miembro sang City Hall.

Sa nahibaluan, tinutuyo sang Truth Commission nga mausisa ang mga transaksyon sang outgoing administration kag para indi masulit ang mga sala kag para sa matinlo nga panggobyerno.

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.