LALAKI PATAY MATAPOS GIN LABO SANG IYA MANGHOD

Share on facebook
Share on pinterest
Share on twitter
Share on print

Patay ang magulang matapos ginlabo sang iya sini mismo nga manghod nga isa ka drug personality kag may standing warrant of arrest sa kaso nga homicide sa Sitio Lamarian, Barangay Nabulao, siyudad sang Sipalay.

Ang napatay ginkilala kay Victor Aprasino, 47 anyos, samtang ang suspetsado ginkilala naman kay Freddie Aprasino, 42 anyos tanan nagapuyo sa amo man nga lugar.

Sa imbestigasyon sang Sipalay PNP, upod man inom ang duha apang may ginlalisan kabangdanan nga ginbuno ni Freddie si Victor nga naigu naman sa likod.

Gindala sa Sipalay Infirmary si Victor apang gindeklarar nga patay samtang, nagsungka sa Hinobaan PNP si Freddie matapos mahimo ang krimen.

Si Freddie ang priso karon sa custodial facility sang Isabela PNP kon diin narecord ang iya kaso nga homicide. | Aksyon Bryan Morden

What’s your Reaction?
+1
0
+1
0
+1
0
+1
0
+1
0
+1
0
+1
0

116 KA MANUGSAGOD SANG BABOY SA TALISAY KAG SILAY NAKABATON SANG BULIG PINANSYAL

116 ka mga manugsagud baboy ang nakabaton sang bulig pinansiyal sa idalom sang Hog Raisers Assistance Program sang gobyerno probinsiyal sang Negros Occidental.

Ini nga mga benepisyaryo ang naghalin sa syudad sang Talisay kag Silay nga naapektohan sang pamalatian sang baboy, ilabi na ang hog cholera kag African Swine Fever (ASF).

Sa record sang Provincial Social Welfare and Development Office, may kabug-usan nga 5,000 ka mga benepisyaryo ang pagahatagan sang pinansiyal. Ang pagpanagtag ginapatigayon paagi sa ‘batch by batch’ sandig sa ila compliance sa mga ginaobligar nga dokumento.

Nagligad nga Pebrero, kapin sa 800 ka mga hog raisers sa 4th kag 5th districts nga ang ila mga ginasagud nga baboy ang nahalitan sang ASF, ang ginhatagan sang bulig pinansiyal.

Sa karon may mga hog raisers sa gihapon nga padayon naga-comply sa mga requirements, pareho sang certifications sa barangay kag Municipal Disaster Risk Reduction and Management Offices. | Capitol PIO Photo

What’s your Reaction?
+1
0
+1
0
+1
0
+1
0
+1
0
+1
0
+1
0

PCG NAPAIDALUM SA HEIGHTENED ALERT TUBTOB ABRIL 2, 2024

Nag-augment sa Philippine Coast Guard ang nagkalain lain nga units kaangay sang 618 Auxilliary Squadron, Philippine Marine Reserve kag Maritime Police para magbulig sa pagbantay sa pagsulod kag pag gwa sang mga pasahero sa mga pwerto sa Negros Occidental kag ilabi na sa Bredco kag Banago Port.

Suno kay Commander Paterno Belarmino Jr. umpisa Marso 22 naka heightened alert na sila kag magalawig tubtob Abril 2.

Dugang pa ni Belarmino, amat amat na nga naga damo ang pasahero nga nagabyahe kag ginapaabot nga mas magdamo pa sa masunod nga inadlaw.

Panugyan ni Belarmino sa mga nagabyahe nga magsunod lang sa proper protocol para tayuyon ang lakat sang byahe kag mapabilin nga safe ang tanan nga pasahero. | PCG Photo

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.