MENU

LALAKI, PATAY SANG GINKUGA SANG IYA UPOD SA ILIMNAN SA PONTEVEDRA

  • at 5:48 pm
Share on facebook
Share on pinterest
Share on twitter
Share on print

Patay ang 59 anyos nga lalaki matapos ginkuga gab-i sang Marso 16 sang iya lang man kaupod sa ilimnan sa Hda. Casal-agan Viejo, Brgy. DSB, banwa sang Pontevedra.

Ang biktima ginkilala kay Andres Bautista, residente sang Barangay San Agustin, syudad sang La Carlota, samtang ang suspek ginkilala naman kay Christian Vincent Albaña, 22 anyos kag residente sang  Prk. Kasanagan, Brgy DSB, banwa sang Pontevedra.

Sa inisyal nga pagpangusisa ni PMaj. Romulo Gepilanggo, hepe sang Pontevedra PNP, antis natabo ang pagpatay, nagaupdanay pa inum sang makahulubog nga ilimnon sanday Bautista kag Albaña.

Dugang pa ni Gepilanggo, plano pa kon tani idul-ong ni Albaña si Bautista sa iya puloy-an  apang bangod sa kahulugbon, ginbunggo sang ni Bautista si Albaña sa karo sang karabao rason nga naakig si Albaña kag ginkuga naman sa liog si Bautista tubtub mapatay.

Nagtinguha pa nga magpalagyo si Albaña apang naaresto paagi sa hot pursuit operation sang mga kapulisan. 

Si Albaña ang priso karon sa custodial facility sang Pontevedra PNP kag nagapangatubang sang kaso homicide.  | Aksyon Alvin Grava

What’s your Reaction?
+1
0
+1
0
+1
0
+1
0
+1
0
+1
0
+1
0

KAPULISAN MAY PERSON OF INTEREST NA SA PAGPATAY SA MAG-ILOY SA TALISAY CITY

April 2, 2023

Ginkumpirmar ni NOCPPO PIO P/Capt. Judesses Catalogo, nga may person of interest na ang mga kapulisan sang Talisay City PNP nga ginapatihan responsable sa pagpatay sa mag-iloy nga Epañola sa Hacienda road sang Hda. Ledesma, Brgy. Matab-ang, syudad sang Talisay tinalikdan nga Martes (Marso 28).

Suno kay Catalogo, matag-adlaw nga gina monitor ni NOCPPO Provincial Director PCol. Leo Pamittan ang kaso pagpatay sa mag-iloy matapos ginmanduan sini si PLt. Col Cenon Vargas nga tutukan kag solbaron ang kaso pagpatay kanday Sherly, Jason kag David Española, ang 8 ka tuig nga bata nga napatay samtang ginabulong sa Corazon  Locsin Montelibano Memorial Regional Hospital sadrong Huebes sang aga (Marso 30).

Hungod man nga wala ginhingadlan ni Catalogo ang ngalan sang person on interest bangod nagapadayon pa ang imbestigasyon. | Aksyon Alvin Grava

What’s your Reaction?
+1
0
+1
0
+1
0
+1
0
+1
0
+1
0
+1
0

REKLAMO NGA MURDER GINPASAKA BATUK SA TATLO KA SUSPEK SA KINAGAMO SA MURCIA

April 2, 2023

Ginpasaka na ang murder complaint subong nga Sabado, batuk sa tatlo ka mga suspek nga sanday Marjune Gallano, Jojie Gallano, kag Venus Grace Catbagan lunsay residente sang Brgy Canlandog, banwa sang Murcia nga ginatudlo nga responsable sa kinagamo nga nagluntad sa Brgy Salvacion, banwa sang Murcia ala 1:10 sang aga, sang Byernes nga adlaw, Marso 31.

Suno kay Police Major Marc Joeil Reclamado, Chief of Police sang Murcia PNP nga kaupod man nga nagpadulong sa Hall of Justice ang pamilya sang mga biktima.

Ginkumpirmar ni Reclamado nga outpatient na sa karon ang isa ka pulis samtang yara pa sa ospital ang isa ka personnel kag estable na ang kondisyon samtang, ang isa ka sibilyan ang yara pa sa ospital kag estable naman ang medical status.

Nagpanugyan man ang hepe sa publiko nga kun mag-inom-inom dapat magsinadya lang kag likawan ang ginamo nga makaresulta sang krimen.

Nagpasiguro man si Reclamado sa pumuluyo nga padayon ang ila trabaho nga mapabilin ang kalinong kag katawhay sang banwa.

Sa piyhak nga bahin, maga-deploy man ang hepe sang mga police personnel sa mga lugar nga permi ginabisita sang turista sa maabot nga semana santa. | Aksyon Zil Menardo

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.