MENU

LALAKI, PATAY SANG GINTIRO SA KABANKALAN

  • at 5:56 pm
Share on facebook
Share on pinterest
Share on twitter
Share on print

Patay ang isa ka lalaki sang ginluthang sa Purok 3, Brgy. Magballo syudad sang Kabankalan las 6:30 sang aga, Lunes (Nobyembre 20).

Ang biktima ang ginkilala sang kapulisan nga si Rojie Beñarta, legal ang edad kag residente sang Purok Caiwanan, Brgy. Canlamay banwa sang Ilog.

Samtang, ang ginatudlo naman nga responsable sa krimen ang gina-aligar residente sang Barangay Magballo syudad sang Kabankalan.

Sa inisyal nga imbestigasyon sang kapulisan nahibaloan nga nagapangape si Beñarta sang ginkuha siya sang suspetsado kag gindala sa gwa sang kapihan.

Una nga gintiro sang suspetsado si Beñarta apang wala naglupok ang armas ini kag nagpalagyo ang biktima.

Ginlagas sang suspetsado si Beñarta kag liwat nga gintiro sang malapit na ini sa isa ka simbahan.

Pilas sa likod ang naangkon ni Beñarta nga gintunaan sang iya kamatayon.

Nagapadayon karun ang imbestigasyon sang kapulisan sa insidente.

What’s your Reaction?
+1
0
+1
0
+1
0
+1
0
+1
0
+1
0
+1
0

DSB PNP MAY PANUGYAN SA MGA DRIVER MATAPOS ANG TRAHEDYA SA ANTIQUE

December 6, 2023

Nagpahanumdum sa publiko ang Don Salvador Benedicto PNP nga dapat yara sa maayo nga kondisyon ang ila nga mga salakyan kun magbyahe sa mga talakladon nga lugar.

Suno kay Police Major Rey Tolosa, hepe sang DSB PNP, kalabanan sa mga salakyan nga nagalabay sa banwa mga dalagko nga salakyan kag long distance ang byahe.

Aminado si Tolosa nga may nagaluntad nga aksidente nakaligad nga binulan ilabi na sa mga likuan kag talakladon nga dalan bangud indi sunado sang iban nga drivers ang dalanon.

Panugyan ni Tolosa, dapat kondisyon man ang driver agud makatutok sa pagmaneho kag maghinay gid sa pagpadalagan ilabi na kun bag-o lang nakalabay sa lugar.

Ang DSB PNP kag Land Transportation Office (LTO) ang masami nga nagapatigayon sang information dessimination campaign kag operations agud mabuligan ang mga motorista nga malikaw sa aksidente.

Nahibaloan, 17 ang patay, pito ang kritikal kag apat ka mga persona na ang yara sa istable nga kondisyon bangud sang natabo nga aksidente sa Hamtic, Antique.

What’s your Reaction?
+1
0
+1
0
+1
0
+1
0
+1
0
+1
0
+1
0

KAP ALCANTARA LUYAG MAKASAPOL ANG ALKALDE MATAPOS GIN ISYU NA ANG NOTICE TO VACATE

December 6, 2023

Ginpahayag ni Barangay 12 punong Barangay JR Alcantara nga liwat pa sila maga-istorya kay Bacolod City Mayor Albee Benitez sa pihak nga ginhatagan nalang ang mga residente sg tubtob Enero 8, 2024 nga maghalin sa lugar.

Suno kay Alcantara, nagalaum sila nga sa pihak nga ginpapanaugan na sang notice to vacate pahanugutan sang alkalde ang ila pangabay nga patapuson ang anum ka bulan antes sila maghalin.

Dugang pa, subong nga adlaw makadto si Alcantara sa Bacolod Housing Authority para hibaluon kon ngaa sa 50 ka mga apektado nga residente, 32 lang ang kwalipikado para sa relocation site kag mahingyo sa alkalde nga mabuligan ang mga residente nga financial assistance lang ang mabaton kag wala sang sayluhan.

Tinguhaan man sang barangay nga makahatag sila sang dugang nga bulig sa mga apektado nga residente.

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.