LALAKI PATAY SANG GINTIRO SA SULOD SANG KWARTO

Share on facebook
Share on google
Share on pinterest
Share on twitter
Share on print
(BCPO Photo)

Patay ang 59 anyos nga lalaki matapos ginluthang samtang nagapaniyapon sa sulod sang kwarto sa iya balay sa DC 1 Regeant Pearl Homes Subdivision, Barangay Alijis syudad sang Bacolod mga las 6:30 subong nga gab-i, Enero 12.

Ang napatay ginkilala kay Jeffrey Parandas kag ginkumpirmar sang otoridad nga yara sa drug watchlist.

Sa interview sang Aksyon Radyo, ginpahayag ni Police Station 7 commander Lt. Conrado Espino nga tatlo ka tawo ang nakit-an, duha diri ang nagsulod sa balay ni Parandas kag nakit an man duha ka motorsiklo nga amo man ang ila ginsakyan matapos ang krimen.

Dugang pa ni Espino, nakabati sang isa lamang ka lupok ang testigo apang wala mahibaluan kon ano nga sahi sang armas luthang ang gin gamit.

Sa inisyal nga nakit-an, pilas sa ulo ang naangkon ni Parandas.

Samtang, dako ang pagpasalamat sang 31 anyos nga masahista matapos nga wala ini gin ulamid sa natabo nga pagpatay sa iya customer nga si Parandas.

Sa interview sang Aksyon Radyo, ginpahayag sang testigo nga nakibot na lamang ini sang gintayaan siya sang armas kag ginpahapa’.

Sa nakit-an sang testigo, nakasuksuk lamang sang facemask ang nagtiro kay Parandas apang wala na sini madetalyi kon ano ang suksuk sang duha pa ka mga suspetsado matapos ini nga ginpahapa kag ginlapakan pa ang iya ulo.

Samtang, ginakahangawa lamang sang testigo bangod ang iya bag gindala sa diin, nasulod ang importante nga mga dokumento sang motor subongman dokumento sang iya kabataan.

Hungod nga ginhinago ang ngalan sang masahista nga nagserbi testigo bilang proteksiyon sa iya seguridad.

Sa karon, padayon ang imbestigasyon sang kapulisan sa motibo sang pagpatay.

Ginlaragway ni Edward ang magulang sini nga si Jeffrey Parandas nga isa ka mabinuligon nga tawo.

Ginpahayag ni Edward nga wala siya sang ideya kon may koneksiyon sa droga ang pagpatay sa iya magulang matapos nga gin alegar wala ma ini naga usar sang illegal drugs.

Dugang pa ni Edward nga ang matuod may yara pa sang mga aduptiba ang iya magulang bangod nagaisahanon lamang ini.
Palayag pa ni Edward, nagaserbi sadto bilang fixer sa LTO si Parandas.

Samtang, nagalaom si Edward nga mahatagan sang kasolbaran ang kaso kag madakpan ang may kahimuon sang pagpatay sa iya nga magulang sa sulod mismo sang iya balay.

Sa karon, padayon ang imbestigasyon sang kapulisan sa motibo sang pagpatay. | Aksyon John Diaz, Aksyon Ann Defensor

DUHA KA DRIVER NAG AREGLUHANAY MATAPOS ANG AKSIDENTE SA BARANGAY ALIJIS

Nag-areglohanay ang magtimbang nga driver sa natabo ang aksidente kaina sang aga sa Circumferential Road South, Barangay Alijis syudad, syudad sang Bacolod.

Ang driver sang Suzuki Aluminum Van ginamaniho ni Randy Alunan, 34 anyos pumuloyo sang Purok Paho Barangay Taculing syudad sang Bacolod.

Samtang ang Mitsubishi Mini Canter ginamaniho naman ni Michael Tim-tim, 43 anyos kag pumuloyo sang Phase 3 Barangay Handumanan syudad sang Bacolod.

Suno kay Police Senior Master Sgt. Clark Cañon, traffic investigator sang Police Station 7, nagaparking ang Suzuki Aluminum Van sang ginbunggoan ini sang Mitsubishi Mini Canter.

Bangod sang impact natumba ang van kag naglapta sa dalan ang mga goods nga igadeliver sa tyangge.

Suno kay Cañon, naka-angkon sang minor nga kapilasan si alunan kag tim-tim matapos sang aksidente. | Aksyon Eric Magbanua

KAPIN 2K KA BACOLODNON NAKA AVAIL SANG DOLE-TUPAD PROGRAM HUMALIN ENERO TUBTOB HUNYO 2021

Kapin 2,000 na ka mga Bacolodnon ang nangin benepisyaryo sang Emergency Employment Assistance Program/DOLE-TUPAD Program humalin Enero tubtob Hunyo 2021.

Suno kay Congressman Greg Gasataya, nagsumiter na sila sang suhestyon sa DOLE sa mga Barangay nga ipatuman ang ini nga programa para sa kapin 3,000 ka mga Bacolodnon para sa bulan sang Hulyo tubtob Septembre 2021.

Ini nga programa ang para sa mga disadvantaged ukon displaced workers nga magatrabaho sa Barangay sa sulod sang 10 ka adlaw kag magabaton sang 3,950.

Ginpaathag ni Gasataya nga ila trabaho nga masiguro nga may yara sang pondo para sa mga benipesyaryo samtang ang Barangay amo ang magapili bangud sila ang mas nakahibalo kon sin-o ang nagakinahanglan.

Subong nga adlaw, Hulyo 28, nagbaton sang tig-3,950 ang mga benepisyaryo sang DOLE Tupad Program sa Barangays 37, 21 kag 40.

MORE STORIES:

LIKE US ON FB

error: Ooops... You are not authorized to copy this content.