MENU

LALAKI, PATAY SANG NATUMBA SA MOTORSIKLO KAG NALAPAKAN SANG SALAKYAN

  • at 8:45 pm
Share on facebook
Share on pinterest
Share on twitter
Share on print

Patay ang kolektor sang isa ka lending company matapos malapakan sang puti nga pick-up las 10 sang gab-i, Sabado, Nobyembre 18 sa atubang sang BISCOM sa National Highway sakop sang Brgy.San Vicente banwa sang Binalbagan.

Ginkilala ang biktima sa kay Renzyl Rex Italia, 33-anyos kag residente sang Brgy.Aguisan, ciudad sang Himamaylan.

Suno kay Police Staff Sergeant John Rey Villacarlos, traffic investigator sang Binalbagan PNP, base sa cctv footage, gikan norte padulong sur ang direksyon ni Italia sakay sa iya motorsiklo kag tuyo kuntani nga mag overtake apang hinali nalang nga natumba sa dalan kag tion man nga may nagapadulong nga puti nga pick-up.

Dugang pa ni Villacarlos, apisar nga may yara sang CCTV footage, indi pa matumod ang plate number sang nasambit nga salakyan.

Ginapanawagan ni Villacarlos ang drayber sang pick-up nga magpakig-angut sa Binalbagan PNP.

What’s your Reaction?
+1
0
+1
2
+1
0
+1
4
+1
0
+1
1
+1
3

KAP GONZALES-PALLEN WALA KONTRA SA PAGKA LNB PRESIDENT

December 6, 2023

Wala sang kasumpong si Kapitan Lady Gles Gonzales-Pallen sang Barangay Taculing matapos nag file sang kandidatura sa pagka Presidente sang Liga ng mga Barangay sa Bacolod.

Myerkules sang hapon, Disyembre 6 sang opisyal na nga nagtakop ang filing sang kandidatura para sa eleksyon sang Liga nga gintalana sa Disyembre 15.

Suno kay Kapitan Carl John Magno, sang Barangay 14 kag pamuno sang nomination committee, nagaisahanon nga nag-file sang COC sa pagka presidente si Gonzales-Pallen.

Nag file sang kandidatura sa pagka bise-presidente si Franz Tiongco, Kapitan sang Barangay Mansilingan kag Kapitan Jose Maria Leandro De Leon sang Barangay Vista Alegre sa pagka Auditor

Kalakip man nga nagfile sang COC sa pagka Board of Diretors sanday Kapitan Elmer Villanueva sang Barangay 40, Kapitan John Pettiere sang Barangay 30, Kapitan Rodney Carmona sang Barangay Sum-ag, Kapitan Yolanda Noble sang Barangay Pahanocoy, Kapitan Armando Vito sang Barangay Granada, Kapitan Jerry Tingson sang Barangay Estefania,Kapitan Lope Ledesma sang Barangay 24, Kapitan Baldo Benjamin sang Barangay Banago kag Kapitan Rommel Flores sang Barangay Villamonte.

Samtang nakanselar naman ang COC ni Kapitan Ruben Miranda sang Barangay 35 bangud wala ma-comply ang requirements.

Walo lamang ang pagapilion sa pagka board of director.

What’s your Reaction?
+1
0
+1
0
+1
0
+1
0
+1
0
+1
0
+1
0

29.9M NGA DROGA GINSUNOG SANG PDEA-NOCPPO

December 6, 2023

Naglab-ot sa masobra P29,908,000 nga balor sang shabu nga nagabug-at sang masobra 4,346 gramo kag masobra P226,000 nga balor sang marijuana nagabug-at sang masobra 1,358 gramo ang ginsunog sang PDEA-NOCPPO sa Acropolis Gardens, Brgy. Bata, syudad sang Bacolod ala 1 sang hapon, Disyembre 6, 2023.

Ang mga ilegal nga droga ang nakumpiskar sang PDEA sa syudad sang Bacolod kag sa pila ka lugar sa probinsya sang Negros Occidental.

Suno kay PDEA 6 Assistant Regional Director 2 Marjorie Ballesteros, ang mga illegal drugs ang kabahin sang mga drug cases gikan sa nagkalain-lain nga mga korte sa Bacolod kag Negros Occidental sa nakaligad nga mga tinuig kag ginmandu sang korte ang disposal .

Ginklaro ni Ballesteros nga antes pa sunogon ang mga droga nadesisyonan na ang mga kaso sang nagkaladakpan sa korte.

Dugang pa, isa sa tinutuyo sa pagsunog agud malikawan ang mga alegasyon nga gina-recycle sang otoridad ang ilegal nga droga.

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.