MENU

LALAKI, PILASON SA PAGPANIRO SA SAN CARLOS

  • at 11:09 pm
Share on facebook
Share on pinterest
Share on twitter
Share on print

Ginabulong karon sa San Carlos City Hospital ang 27 anyos nga lalaki matapos ginluthang sa Sitio Mahayahay, Brgy. Punao, syudad sang San Carlos, kagab-i, Martes.

Ang biktima ginkilala kay Allan Villadar kag residente sang amo nga lugar.

Sa inisyal nga pagpangusisa ni PCapt. Ruby Aurita, samtang nagahakot sang kahoy nga panggatong si Villadar, hungod ini nga ginluthang sang wala makilala nga persona kag madasig nga nakapalagyo.

Si Villadar ang nakaangkon sang tatlo ka pilas sa nawala nga bahin sang iya paa kag padayon nga ginabulong sa Ospital.

Ginpahayag man ni Aurita nga nagapadayon pa ang imbestigasyon sang kapulisan sa pagkilala kag pagpangita sa suspek kag ang motibo sa pagluthang. | Aksyon Alvin Grava

What’s your Reaction?
+1
0
+1
0
+1
0
+1
0
+1
0
+1
0
+1
0

BFP NEG OCC NAKA ALERTO NA PARA SA SEMANA SANTA 2023

April 2, 2023

Maga-umpisa na ang deployment plan sang BFP Negros Occidental Provincial office para sa “Oplan Semana Santa Lakbay Alalay 2023”.

Suno kay FCInsp. Rodel Legaspi, ginamanduan sini ang tanan nga mga bombero sa tagsa ka mga banwa kag syudad sa probinsya nga mag-isa upod sa mga katapo sang PNP, DPWH kag iban pa agud asisteran ang mga motorista nga magabiyahe padulong sa ila tagsa ka mga lugar.

Gina alerto man ni Legaspi ang mga miembro sang BFP Special Rescue Force kag BFP Quick Response Team  nga magaresponder sa tion sang emerhensya.

Dugang pa ni Legaspi, handum sang ila ahensya nga mapasiguro ang seguridad sang publiko.

Kasunod sa pagpamalandong sa semana santa, ginamanduan man sini ang mga City kag Municipal fire marshal nga magpatigayon sang rekoridad kag magpanagtag sang mga fire safety prevention tips agud malikaw sa sunog. | Aksyon Alvin Grava

What’s your Reaction?
+1
0
+1
0
+1
0
+1
0
+1
0
+1
0
+1
0

DUGANG NGA 80 KA PULIS GIN DEPLOY SA NOCPPO PARA SA SUMMER KAG SEMANA SANTA 2023

April 2, 2023

Plastado na ang kapulisan sa Negros Occidental Police Provincial Office kadungan sa Summer Vacation 2023 kag pagdumdum sang Balaan nga semana santa nga magaumpisa na sa maabot nga Lunes.

Suno kay PCapt Judesses Catalogo, spokesman sang NOCPPO, gina-alerto ang tagsa ka kapulisan sa probinsya nga mangin mabinantayon sa pagdagsa sang mga deboto nga magapadulong sa tagsa ka mga simbahan, groto, senakulo kag iban pa nga mga religous activities.

Dugang pa ni Catalogo,  may mga Police Assistance Desk na nga igapahamtang sa mga terminal sang barko, bus kag airport nalakip na dire ang mga simbahan kag iban pa nga mga tourist destination kag mga beaches sa tuyo nga mapakita ang suporta sa mga pumoloyo kag sa madasig nga pagresponder sa tion sang emerhensya.

Ginpahayag man ni Catalogo nga may 80 pa ka mga bag-o nga pulis gikan sa PRO6 ang ginpadala sa NOCPPO agud mangin dugang nga pwersa sa mga kapulisan para sa sini nga kahiwatan.  | Aksyon Alvin Grava

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.