MENU

LGUs NGA KWALIPIKADO SA PAGDUMALA SANG SOLID WASTE SYSTEMS, GINHINGADLAN

  • at 7:00 pm
Share on facebook
Share on pinterest
Share on twitter
Share on print

Ginhingadlan sang gobyerno probinsiyal ang mga local government units (LGUs) sa Negros Occidental nga kwalipikado sa 2023 Provincial Search for the Best LGU Compliant sa idalom RA 9003 ukon Ecological Solid Waste Management Act of 2000.

Ang finalists sa city category amo ang Escalante, Sipalay, San Carlos, Sagay, Cadiz kag Bago samtang sa municipality category amo ang Murcia, E.B. Magalona, Manapla, Candoni, Calatrava kag Pulupandan.

Ang Solid Waste Management (SWM) compliant ang incentive program sang probinsiya, kabahin sa tuigan nga annual SWM Monitoring kag Evaluation sa 31 ka mga component LGUs, nga gin-umpisahan nagligad nga Mayo tubtub Nobyembre subong nga tuig.

Toyu sang Provincial SWM Monitoring and Evaluation nga mahatagan sang ihibalo ang 31 ka mga LGUs sang Negros Occidental kun paano mangin epektibo ang pagdumala sa solid waste systems.

Ang Provincial SWM Final Deliberation sa mga LGUs ang gintalana sa Nobyembre 23 tubtub 24, 2023 sa Governor’s Hall, Provincial Capitol.

What’s your Reaction?
+1
0
+1
0
+1
0
+1
0
+1
0
+1
0
+1
0

5.4B NGA BUDGET SANG PROBINSYA SA 2024, APRUBADO NA

December 6, 2023

Pinal na nga gin-aprubahan sang Sanguniang Panlalawigan (SP) ang P5.4 billyones pesos nga annual budget sang Negros Occidental para sa 2024.

Suno kay SP committee on finance chairman First District Board Member Rommel Debulgado nga sa sini nga budget, P5, 244, 603, 544 ang para sa General Fund kag ang nabilin nga P190,041,156 ang para sa Economic Enterprise Develeopment Department (EEDD).

Dugang pa ni Debulgado, 5.66% ang saka sang tuigan nga pondo sa 2024, ikomparar sa P5.1 billion nga budget subong nga 2023.

Ini bangud sa pagbalik saka sa ‘share’ sang probinsiya sa National Tax Allotment (NTA).

Subong nga 2023, nagnubo sa P780 million ukon 12.87% ang annual budget sang probinsiya bangud sa pagbuhin sa NTA sang mga local government units.

Ang pagbuhin sa 2023 nga NTA nga nagpanubo man sa tax collection, ang resulta sang Covid-19 pandemic sang 2020.

What’s your Reaction?
+1
0
+1
0
+1
0
+1
0
+1
0
+1
0
+1
0

29.9M NGA DROGA GINSUNOG SANG PDEA-NOCPPO

December 6, 2023

Naglab-ot sa masobra P29,908,000 nga balor sang shabu nga nagabug-at sang masobra 4,346 gramo kag masobra P226,000 nga balor sang marijuana nagabug-at sang masobra 1,358 gramo ang ginsunog sang PDEA-NOCPPO sa Acropolis Gardens, Brgy. Bata, syudad sang Bacolod ala 1 sang hapon, Disyembre 6, 2023.

Ang mga ilegal nga droga ang nakumpiskar sang PDEA sa syudad sang Bacolod kag sa pila ka lugar sa probinsya sang Negros Occidental.

Suno kay PDEA 6 Assistant Regional Director 2 Marjorie Ballesteros, ang mga illegal drugs ang kabahin sang mga drug cases gikan sa nagkalain-lain nga mga korte sa Bacolod kag Negros Occidental sa nakaligad nga mga tinuig kag ginmandu sang korte ang disposal .

Ginklaro ni Ballesteros nga antes pa sunogon ang mga droga nadesisyonan na ang mga kaso sang nagkaladakpan sa korte.

Dugang pa, isa sa tinutuyo sa pagsunog agud malikawan ang mga alegasyon nga gina-recycle sang otoridad ang ilegal nga droga.

What’s your Reaction?
+1
0
+1
0
+1
0
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.