Patay ang isa ka liamador sa bulangan sang ini ang bungoan sang ceres bus sa atubang sang Gallera de San Enrique, Rizal Street, Barangay Poblacion, Banwa sang San Enrique.
Ang napatay ginkilala kay Ronelo Chin, 51 anyos nagapuyo sa amo man nga lugar, samtang ang driver sang bus ginkilala naman kay John Bartolome, 51 anyos kag nagapuyo naman sa Barangay Camindangan, Banwa sang Cauayan.
Suno kay PCapt. Renante Salgado, hepe sang San Enrique PNP, nagatabok sa dalan ang biktima sang bungoan sang bus nga nagabyahe Bacolod – Candoni nga rota.
Ginganoy pa sang ginabulobanta 15 metros ang biktima kag sang gindala sa Valladolid District Hospital, gindeklara ini nga patay.
Naghatahag naman sang bulig pinansyal ang pamunoan sang bus, apang nagapabilin pa nga detinado ang driver sa costudial facility sang San Enrique PNP. | Aksyon Bryan Morden