LIGA NG MGA BARANGAY KAG CHO MAGASAPOL SA LUNES PARA TALAKAYON ANG PAGDESIGNAR SANG BARANGAY SANITARY INSPECTOR

Share on facebook
Share on pinterest
Share on twitter
Share on print

Natalana nga magapatigayon sang pagsapol sa Lunes,Nobiyembre 28 ang Liga ng mga Barangay sa syudad sang Bacolod kaupod ang City Health Office agud talakayon ang obligasyon kag trabaho sang Barangay Sanitary Inspector.

Suno kay Liga ng mga Barangay President Councilor Lady Gles Gonzales, kasunod sang mando nga gin papanaug sang Alkalde nga nagtukod sang amo nga grupo, gin umpisahan na sang tagsa ka mga Barangay ang ila trabaho paagi sa pagtutok sa kampanya batuk sa kaso sang cholera.

Ini man ang rason suno pa kay Gonzales kon nga-a nangin lapnagon sa karon ang gina himo sang CHO nga pagpamutang sang chlorine sa mga water source sa palibot sang syudad paagi man sa bulig sang tagsa ka mga opisyales sang Barangay.

Ginklaro man sang konsehal nga indi lamang cholera ang paga tutukan nga trabaho sang gin tukod nga mga local sanitary inspectors, kundi kabahin man sang ila obligasyon ang pag monitor kag pag regulate sang tanan nga mga kasuguan nga may kaangtanan sa isyu sang ikaayong lawas. | Aksyon Art Tayhopon

What’s your Reaction?
+1
0
+1
0
+1
0
+1
0
+1
0
+1
0
+1
0

HVI NAKUHAAN SANG 340K NGA DROGA SA SAN CARLOS CITY

Naglab-ot sa 340,000 nga balor sang ginasuspetsuhan shabu ang narekober sa buybust operation sa San Juan Tunga Brgy. 5, San Carlos City, Neg. Occ. las 2:54 sang kaagahon, Disyembre 6.

Ang suspek ginkilala kay Joseph Pasigay 45 anyos kag ginakabig nga High Value Individual (HVI), Top 5 sa watch list sang kapulisan kag miembro sang Virtucio Drug Gang kag Bacus and Macadatu Sub group.

Nakuha kay Pasigay ang 41 ka heat sealed transparent plastic sachet sang suspected shabu, isa ka coin purse, duha ka empty plastic sachet nga may traces sang shabu, isa ka disposable lighter kag buybust money nga nagabalor P1,100.

Ginabulubanta 50 gramo sang shabu ang na-rekober nga may estimated value nga P340,000.

Si Pasigay ang preso karun sa custodial facility sang San Carlos City Police Station.

What’s your Reaction?
+1
0
+1
0
+1
0
+1
0
+1
1
+1
0
+1
0

SOLTERO, PILASON MATAPOS GINBUNO SANG KAUPOD SA INOM SA PONTEVEDRA

Pilason ang isa ka soltero matapos ginbuno sang kaupod sini sa inom sa Purok 4, Barangay Cambarus banwa sang Pontevedra pasado las 9 kagab-e, Disyembre 5.

Ang biktima ginkilala kay Christopher Biñas, 23 anyos kag residente sang Sipalay City.

Suno kay Police Staff Sergeant Ali Mapa, imbestigador sang Pontevedra PNP, naga-inom sa balay ni Eva Lequigan ang biktima kag ang suspek nga ginkilala lamang kay alyas Gonggong.

Naglalisay ang biktima kag ang suspetsado bangud sang ila gin-ani nga humay.

Sang naggwa ang biktima sa balay kun sa diin sila naga-inom, ginsunod siya sang suspek kag ginbuno sa tiyan kag likod.

Si Biñas ang ginabulong sa karun sa Valladolid District Hospital samtang ang suspetsado ang nagpalagyo naman matapos ang krimen. | Aksyon John Diaz

What’s your Reaction?
+1
0
+1
0
+1
1
+1
0
+1
0
+1
0
+1
0

MORE STORIES:

LIKE US ON FACEBOOK

error: Ooops... You are not authorized to copy this content.