Linibo ka mga Negrense ang nagsaksi sa lubong ni Negros Oriental Governor Roel Degamo kaina sang hapon, Marso 16.
Si Degamo ang ginlubong sa tubang sang pantyon sang iya mga ginikanan sa ila private cemetery sa sulod sang ila compound sa Barangay Bonawon, banwa sang Siaton.
Antis ang misa, isa ka funeral procession ang ginpatigayon las 2 sang hapon nga gin-updan sang mga himata ni Degamo kag tagasuporta samtang nakasuksok sang t-shirt nga may nakasulat nga “Justice for Roel Degamo”.
Ang funeral mass ang ginapangunahan naman ni Bishop Julito Cortez sang Diocese sang Dumaguete.
Sa iya homily, ginsiling ni Cortez nga ang kamatayon ni Degamo ang iya ginalauman magahatag sang kasanagan sa kadulom nga ma-eksperyensyahan sa probinsya sang Negros Oriental.
Las 4 pasado sang hapon sang ginlubong si Degamo.
Isa naman ka 21-gun salute ang ginhalad sang PNP kag AFP para kay Degamo. | Aksyon John Diaz
