Ginkumpirmar ni Barangay Estefania Captain Jerry Tingson nga nag negatibo na sa final RT-PCR test ang pasyente sang COVID-19 sa Purok Pag asa.
Sa interview sa Aksyon Firing line, ginpahayag ni Tingson nga ginkakas naman ang lockdown sa lugar sa diin apektado ang 22 ka pamalay.
Suno kay Tingson, pagkatapos nga naggwa ang resulta gilayon man ginpagwa sa quarantine facility ang pasyente kag ginderitso sa isa pa nila ka balay para sa dugang nga isolation bilang panigarado.
Dugang pa ni Tingson nga sa karon may yara pa sang mga gina-monitor nga Locally Stranded Individuals ang barangay rason nga nagpangabay ini sa publiko nga magbulig bantay kag i-report kon may yara sang magalapas sa Quarantine. | Aksyon Ann Defensor